Miaso (Masamu) 129 - Mukanda Wa Zambi 1970

Akwa kole ja Israele evwe sonyi

¹ Israele, lumbununa chize akwa kole je akumwesene lamba chize ku ukweze we.

² “Chize ku ukweze wami, akwa kole lamba linji angumwesene, alioze kaangukumbile ko.

³ Yaangulemeka yilonda mu nyima, yingubwa ngwe munda wo uze haalima.

⁴ Alioze Mwene Zambi, mukwa ululi, yabatwola mihipu ya yingulungulu.”

⁵ Eswe waze akuvutwokela Zione, aakumbe kama, evwe sonyi.

⁶ Abwe ngwe yambu yize yakusoka ha fulumba lia zuwo! Kuyakuma shimbu kanda ayitukula.

⁷ Atu keeshi kuyikungika, chibwe kuyikasa yichita.

⁸ Akwa kubalika keechi kwamba ngwo: “Mwene Zambi anuwahise! Tunanuwahisa mu jina lia Mwene Zambi!”