Miaso (Masamu) 124 - Mukanda Wa Zambi 1970

Zambi kali kafunga ka atu jenyi

¹ Nyi Mwene Zambi kabwile ko kama hamwe ni yetu, kachi kuchi twabwa? Aa Israele, kumbulula!

² “Nyi ngwe Mwene Zambi kabwile ko hamwe ni yetu, muze akwa kole jetu atuselekele,

³ kachi te haatumina ni mwono mu ufwatulo wo;

^4-5 Kachi te sanga lia meya hiliatutwala kweka, kachi te meya haatufuka, haatushiha.”

⁶ Tusakwililenu Mwene Zambi, yoze katayijile ko akwa kole jetu atwonone.

⁷ Hitwachina ngwe kajila watusuka mu muheto, muheto hiwamakuka, yetu hitwalilamwina!

⁸ Mwene Zambi, yoze watangile lilu ni hashi mwe wakutukwasa.