Miaso (Masamu) 122 - Mukanda Wa Zambi 1970

Uhenya wa limbo lia Yerusaleme

¹ Nevwile kuwaha muze angwambile ngwo: “Tuyenu ku zuwo lia Mwene Zambi!”

² Ni haliabwila hano hituli, hitwanjila mu yikolo ya Yerusaleme!

³ Yerusaleme hamutungulula, hiliabwa limbo libema liahiana!

⁴ Mwenamo akwiza akwa mavungu, mavungu ja Aisraele, kaakusakwilila mo Mwene Zambi, ngwe chize aambile.

⁵ Mwenamo te mianangana ja Israele, mwatwama ngunja ya Shimbi, akusopesela atu jo.

⁶ Lembelenu Yerusaleme hanga abwe ni uhwimino ngwenu: “Zambi awahise atu waze akuzanga yena Yerusaleme.

⁷ Uhwimino ubwe mu lie limbo, ni mu mazuwo je a wanangana.”

⁸ Mumu hali usoko wami ni masepa jami, ngunambila akwa Yerusaleme ngwami: “Bwenu mu uhwimino!”

⁹ Mumu ha zuwo lia Mwene Zambi, Zambi yetu, ngunanulembela ngwami: “Zambi anuwahise.”