Miaso (Masamu) 12 - Mukanda Wa Zambi 1970

Kulemba: “Mwene Zambi tukwase kama”

¹ Mwene Zambi, tukwase kama! kukushi nawa mukwa ululi kukushi nawa akwa mbunge jitoma.

² Ayo eswe kaakulionga, kaakwonga akwo ni maliji jo a kubebieka.

³ Aa Mwene Zambi, holesa kama akwa kubebieka! bakika makanwa ja akwa kulifuza waze akwamba ngwo;

⁴ “Mutubwa ni yuma yize tunazange mumu ha maliji jetu. Mutwamba cheswacho tunazange, wakuhi niumwe yoze matukanjisa.”

⁵ Alioze Mwene Zambi kanambe ngwenyi: “Haliabwila mungwiza mumu ha lamba lia akwa luyinda, ni mikuma ya yiswale. Mungwiza nikwaha uhwimino uze akuzanga.”

⁶ Yilakenyo ya Mwene Zambi yili yamwenemwene; yili ngwe prata yakusayisa mu lutengo yisuho shimbiali.

^7-8 Yingulungulu kaali kweswe; atu eswe kaakuchichimieka yingulungulu. Mwene Zambi, tufunge kama matangwa eswe.