Miaso (Masamu) 116 - Mukanda Wa Zambi 1970

Mutu yoze alamwinyine ku kufwa yachichimieka Zambi

¹ Nakuzanga Mwene Zambi mumu kakungwivwa; kakubanjika ku kulemba chami.

² Matangwa eswe kakungubanjika, muze nakumutambika.

³ Mihipu ya kufwa yiingujingilika, yingwivwa woma wa kufwa, yingulibikala, yingwivwa mwongo kuhiana.

⁴ Mba yingutambika Mwene Zambi ngwami: “Mwene Zambi, nalemba ngulamwine kama.”

⁵ Mwene Zambi kali ni keke, ni utu, ni zango liahiana.

⁶ Mwene Zambi kakufunga atu alelu, muze nabwile mu utoji yangulamwina.

⁷ Mbunge yami hwima kama, mumu Mwene Zambi hangulinga yibema.

⁸ Mwene Zambi hangulamwina ku kufwa, hangukusumuna masoji, hafunga molu jami hanga chichi kulimbuka.

⁹ Kashika ngunende hamwe ni Mwene Zambi, mu chifuchi cha waze ali ni mwono.

¹⁰ Te nakufuliela, chibwe nambile ngwami: “Lamba linji ngunamono,”

¹¹ chibwe nevwile woma nikwamba ngwami: “Atu eswe kaali akwa mahuza.”

¹² Yika mungumwaha Mwene Zambi, mumu ha yiwape yeswe yize hangulingila?

¹³ Mungumwaha milambu ya vinyu, ngumusakwilile mumu hangulamwina.

¹⁴ Mu Chikungulwila cha atu jenyi eswe mungumwaha milambu yize nalakenyene.

¹⁵ Mwene Zambi kakwivwa chinyengo, nyi mutu wenyi umuwika wafwa!

¹⁶ Mwene Zambi, nguli kavumbi ke; nakukulingila ngwe chize te akukulingila mama. Wangulamwinyine ku kufwa.

¹⁷ Mungukusakwilila ni kukuwayila.

^18-19 Mu Chikungulwila cha atu je eswe, mu zuwo lie lia kuwayila mu Yerusaleme, mungulambula milambu yize nalakenyene. Chichimiekenu Mwene Zambi!