Miaso (Masamu) 114 - Mukanda Wa Zambi 1970

Mwaso wa chiwanyino cha Kubalika

¹ Muze Aisraele atuhukile mu chifuchi cha Egiptu, muze vungu lia Yakoba akatukile mu chifuchi cha yilambala,

² Mwene Zambi yapwisa Ayuda atu jenyi a linanga, Aisraele yaapwisa atu jenyi mwene.

³ Kalunga lwiji Muchila yaatala, yachina; Lwiji Yordau meya jenyi hi keendele ko nawa.

⁴ Milundu yiitumbwoka ngwe pembe; mindundena ngwe ana mapanga.

⁵ Kalunga lwiji, mumu yika wachinyine? Ni yena Yordau, kuchi meya je keendele ko nawa?

⁶ Yenu milundu, mumu yika nwatumbwokele ngwe pembe? Ni yenu mindundena, kuchi nwatumbwokele ngwe ana mapanga?

⁷ Yena hashi, chikima, Mwene Zambi kaneza, chikima ku meso ja Zambi ya Yakoba,

⁸ Zambi yoze wakwalumuna mawe abwe yitende ya meya ni njiji.