Miaso (Masamu) 113 - Mukanda Wa Zambi 1970

Chichimiekenu Mwene Zambi

¹ Chichimiekenu Mwene Zambi! Yenu tuvumbi twa Mwene Zambi, chichimiekenu jina lienyi!

² Fumanyisenu jina lienyi, musono ndoo ni ku miaka yeswe!

³ Chize ku chivumbuko ndoo ku chitokelo, jina lia Mwene Zambi lifumane!

⁴ Kakuyula mavungu eswe, uhenya wenyi kuwahiana lilu.

⁵ Iya walifwa ni Mwene Zambi, Zambi yetu? Hanase chitwamo chenyi cha wanangana mwilu,

⁶ Alioze kakuhetama ni kutala lilu ni hashi.

⁷ Kakuchiza yiswale mu fufuta, kakuchiza akwa kuhona mu luyinda wo,

⁸ ni kwaasa mu mulongo hamwe ni ana ja mianangana, ana ja mianangana ja atu jenyi.

⁹ Kakulemesa miumba mu jiko lienyi; kakwawahisa ni kwaaha ana. Chichimiekenu Mwene Zambi!