Miaso (Masamu) 111 - Mukanda Wa Zambi 1970

Chichimiekenu Mwene Zambi

¹ Chichimiekenu Mwene Zambi! Mungusakwilila Zambi ni mbunge yami yeswe, mu Chikungulwila cha atu jenyi.

² Yitanga ya Mwene Zambi yili ya kukomwesa! Eswe waze akuwahilila nayo, kaakuzanga kuyinyingika.

³ Yeswe yize akulinga yili ya ulamba ni uhenya, ululi wenyi kuushi kuhwa nichimwe.

⁴ Mwene Zambi kakutwiwulula yitanga yenyi yakukomwesa. Kakutulweza utu ni keke.

⁵ Kakulisa waze akumulemesa, mewuluka Usendo wenyi matangwa eswe.

⁶ Hanalweze ndundo kuli atu jenyi, nikwaha yifuchi ya mavungu akwo.

⁷ Yeswe yize akulinga yili yamwenemwene ni ya ululi; Shimbi jenyi jeswe jinabeme.

⁸ Yajihana ni umwenemwene ni ululi; mujilinduluka ndoo ku miaka yeswe.

⁹ Yalamwina atu jenyi, yakolesa no Usendo wa miaka yeswe. Kali munangi kanda mukwa ndundo!

¹⁰ Nyi unazange kubwa mukwa mana lemesa Mwene Zambi; kakuhana mana kuli eswe waze akufunga Shimbi jenyi. Muchichimiekenu ndoo ku miaka yeswe.