Miaso (Masamu) 110 - Mukanda Wa Zambi 1970

Mwene Zambi ni mwanangana yoze atongwele

¹ Mwene Zambi yambila mwene wami ngwenyi: “Twama ku chindume chami ndoo mungukasa akwa kole je kushi lia molu je.”

² Ku Zione, Mwene Zambi makupwisa mwanangana. Ngwenyi: “Yula akwa kole je.”

³ Tangwa lize muukasa jita ni akwa kole je, atu je maakalihana kuli yena. Ngwe chize mume wakusulumioka chichamene cheswe, akweze je maakeza kuli yena ha milundu ye ya chijila.

⁴ Mwene Zambi hanalishingi, kechi kalumuna. Yamba ngwenyi: “Yena muukabwa hako wa miaka yeswe, mu ngango yimuwika ni yize ya Melkizedeke.”

⁵ Mwene Zambi kali ku chindume che; muze makevwa ufwatulo, makakumba mianangana.

⁶ Makabatwila mavungu; afu maakalumbama hashi; makakumba mianangana eswe a hashi.

⁷ Mwe mwanangana makanwa meya ku sesa lia jila, mba makahetuka ni kukumba.