Miaso (Masamu) 101 - Mukanda Wa Zambi 1970

Chilakenyo cha mwanangana

¹ Ngunembi mwaso hakutwala ku umwenemwene ni ululi, aa Mwene Zambi, ngunakwimbila wo.

² Mungusa tachi hanga ngubwe ni ndako yibema. Tangwa lika muwiza kuli yami? Mungubwa ni ndako yibema mu zuwo liami,

³ chichi kutayiza yibi nihakepe. Nakuvutwokela yitanga ya atu waze akwehuka Zambi; chichi kulikata no usepa.

⁴ Chichi kubwa ni mbunge yibi, mungulihandununa ni yingulungulu.

⁵ Mweswawo malamikiza mutu mukwo ku tenga mungumushiha; mukwa kulizata hanji mukwa kulengumuka, chichi kumutayiza.

⁶ Mungutayiza atu waze akushachila hali Zambi; maahasa kutwama mu zuwo liami lia wanangana. Akwa mbunge yibema maahasa kungulingila.

⁷ Mukwa mahuza niumwe mahasa kutwama mu zuwo liami lia wanangana, chilembese niumwe mabwa ku meso jami.

⁸ Tangwa ha tangwa mungushiha yingulungulu mu chifuchi chetu, munguhanga atu abi eswe mu limbo lia Mwene Zambi.