Miaso (Masamu) 1 - Mukanda Wa Zambi 1970

Mukanda Utangu ( Mia 1—41 ) Uwahililo wamwenemwene

¹ Kawaha mutu yoze keshi kutayiza chiyulo cha yingulungulu, yoze keshi kwimbulula atu abi, yoze keshi kulikata ni akwa kulelesa Zambi.

² Alioze kakuwahilila ni kufunga Shimbi ja Mwene Zambi, kakujibukuna mwalwa ni ufuku.

³ Kali ngwe mutondo ku mbumbulu ya lwiji, uze wakwima mihuko yawo ha tungonde twawo, mafwo jawo keeshi kuma. Kakuyuka yeswe yize akulinga.

⁴ Alioze yingulungulu keeshi kubwa chocho nihakepe; kaali ngwe yizungu yize yakuhehuka ni fuji.

⁵ Kashika yingulungulu keechi kasamba muze Zambi makaabatwila; keechi kabwa ni Chihela mu Chikungulwila cha akwa ululi.

⁶ Mwene Zambi kakufunga akwa ululi, alioze yivulumunyi kumaakamona lamba.