Kwalula 2 - Mukanda Wa Zambi 1970

Kululika mavungu ha musumba

¹ Mwene Zambi yalweza Mose ni Arone yuma yino.

² Muze Aisraele maajika mazuwo jo ha musumba, mutu mweswe akajika zuwo lienyi mushi lia bendelo lienyi nikulita ni akwa jimo lienyi. Mazuwo akaajingilika ku zuwo lia Zambi lia makubu.

^3-9 Musumba wa Yuda ni bendelo lio muukabwa ku sali lia chivumbuko, nikulita ni mbunga yo: Vungu Mwata wa jimo Kwoka cho Yuda Nasone mwana wa Aminadabe 74,600 Isakare Netanele mwana wa Zuare 54,400 Zabulone Eliabe mwanawa Helone 57,400 Malunga eswe: 186,400 Mbunga ya tujita twa Yuda e maakatetekela.

Vungu Mwata wa jimo Kwoka cho

^10-16 Musumba wa Rubene ni bendelo lio muukabwa ku sali lia sude, nikulita ni mbunga yo: Vungu Mwata wa jimo Kwoka cho Rubene Elizure mwanawa Shedure 46,500 Simeone Shelumiele mwana wa Zurishadai 59,300 Gade Eliasafe mwana wa Duele 45,650 Malunga eswe: 151,450 Mbunga ya tujita twa Rubene maakakaula tujita twa Yuda.

Mwata wa jimo Kwoka cho

¹⁷ Mbunga ya Alevi maakabwa hakachi ka mbunga ya Yuda ni Rubene kulutwe, ni mbunga ya Efraime ni Dane kunyima. Maakambata zuwo lia Zambi lia makubu. Mbunga yeswe maakenda nikulita ni kutwama cho ha musumba, vungu heswe ni bendelo lio.

^18-24 Musumba wa Efraime ni bendelo lio muukabwa ku sali lia chitokelo nikulita ni mbunga yo: Vungu Mwata wa jimo Kwoka cho Efraime Elishama mwana wa Amihude 40,500 Manase Gamaliele mwana wa Pedazure 32,200 Benjamine Abidane mwana wa Gideoni 35,400 Malunga eswe: 108,100 Mbunga ya tujita twa Efraime maakakaula mbunga ya muchaali.

Vungu Mwata wa jimo Kwoka cho

^25-31 Musumba wa Dane ni bendelo lio muukabwa ku sali lia norde nikulita ni mbunga yo: Vungu Mwata wa jimo Kwoka cho Dane Ahizere mwana wa Amishadai 62,700 Ashere Pagiele mwanawa Okrane 41,500 Naftali Ahira mwanawa Enane 53,400 Malunga eswe: 157,600 Mbunga ya tujita twa Dane maakabwa akwa kusula.

Vungu Mwata wa jimo Kwoka cho

³² Malunga ja Aisraele waze asonekene, mbunga ni mbunga, kwoka cho 603,550.

³³ Ngwe chize Mwene Zambi ambilile Mose, Alevi kaasonekene ko hamwe ni Aisraele akwo.

³⁴ Chenacho Aisraele alingile yuma yeswe ngwe chize Mwene Zambi ambilile Mose. Yaatwama mbunga ni mbunga ni bendelo lio, yeenda nikulita ni majimo jo.