Kwalula 17 - Mukanda Wa Zambi 1970

Lukanda wa Arone

¹ Mwene Zambi yambila Mose ngwenyi:

² “Lweza Aisraele akwehe kanda kumi ni jaali ja miata a ku vungu ni vungu, usoneka ho jina lia mutu ni mutu.

³ Mba usoneke jina lia Arone ha lukanda wa Levi. Mwata ni mwata mabwa ni lukanda umuwika.

⁴ Jise mu zuwo lia Zambi kulutwe lia mushete wa Usendo, kuze nakukutakanyina.

⁵ Lukanda wa mutu yoze hingunatongola masoka mafwo. Chenache mungukaholesa Aisraele waze akununyenyeta.”

⁶ Mose yalweza Aisraele, mba mwata ni mwata yaneha lukanda wa vungu lienyi, yijibwa kanda kumi ni jaali, ni lukanda wa Arone yabwa mukachi kajo.

⁷ Mose yasa kanda jeswe kulutwe lia mushete wa Usendo wa Mwene Zambi.

⁸ Muze hikwacha Mose yanjila mu zuwo lia Zambi, yamona lukanda wa Arone, wa ku vungu lia Levi, hasoka miji ni mafwo ni yitemo, ni hema mihuko ya mikeshi!

⁹ Mose yanda kanda jeswe yajilweza Aisraele. Miata yaamona chize chabwile, yaandanda kanda jo.

¹⁰ Mwene Zambi yambila Mose ngwenyi: “Hilwisa lukanda wa Arone kulutwe lia mushete wa Usendo. Ukamufunga ha kukanyamisa Aisraele waze akulimika ni yami. Nyi keechi kulitwamina kumaakafwa.”

¹¹ Mose yalinga chize Mwene Zambi amwambile.

¹² Aisraele yaambila Mose ngwo: “Mala, kutwafwa kutwanonga!

¹³ Nyi umwe makundama lume ku zuwo lia Mwene Zambi mafwa kwenyi, kuma yetu eswe kutwanonga!”