Jeremia 45 - Mukanda Wa Zambi 1970

Chilakenyo cha Zambi kuli Baruke

¹ Ha mwaka wa muchiwana wa kuyula cha Jehoakime mwana wa Josia mu Yuda, Baruke yasoneka yize namulwezele. Yingumulweza ngwami,

² Mwene Zambi, Zambi ya Israele, kanambe ngwenyi: “Baruke,

³ yena unambe ngwe: ‘Mama lamba! Mwene Zambi hanguweza yinyengo ku lamba liami. Ngunevu yikatalo ha kutwa mikuma, uhwimino Chishi nawo!’

⁴ “Alioze yami, Mwene Zambi, ngunabuzula yize hingunatungu. Munguchilinga hashi heswe.

⁵ Kuma unalifupila yuma yilemu yena mwene, nyi? Kanda uchilinga. Ngunamwesa atu eswe lamba, alioze yena muuchina ni mwono we, kweswako muuya. Yami Mwene Zambi nachamba.”