Izaya 4 - Mukanda Wa Zambi 1970

¹ Ha matangwa waze, mapwo shimbiali maakwata lunga umuwika nikwamba ngwo: “Mutulilisa ni kulijika yetwene, alioze yena tutayize ubwe lunga lietu, hanga utuchize kama sonyi jetu.”

Yerusaleme makawaha nawa

² Matangwa maakeza waze Mwene Zambi makatatwisa yibuta ni mitondo yeswe ya mu chifuchi, yinene ni yibema. Masalila ja Israele maakawahilila ni mbuto jeswe ja mu chifuchi.

³ Mweswawo masala ho mu Yerusaleme, yoze Zambi matongola kubwa ni mwono, maakamuvuluka ngwo, munangi.

⁴ Ku ndundo jenyi Mwene Zambi makabatwila ni kusanyisa lie vungu, ni kubemesa luchisa wa Yerusaleme ni kukosa e manyinga waze haanamwanganyina ho.

⁵ Hohene Mwene Zambi masa helu lia mulundu wa Zione ni hali atu eswe waze akulikungulula ko lelwa ha mwalwa ni mwishi ni milengi ya kulekwoka ha ufuku. Mba uhenya wa Zambi muufuka lie limbo ni kulifunga heswe.

⁶ Uhenya wenyi muukafuka lie limbo ku kusasaminya cha tangwa ni kulipwisa homa ha uhwimino; chijimbi ni vula kuyichi kubwako nawa.