Filipu 4 - Mukanda Wa Zambi 1970

Kukanyamisa

¹ Kashika akwetu akwa Kristu, manenu chizechene nguu, mu kuliendela chenu ni Mwene Yesu. Akwetu ngunanuzange, ngunanuvwila usona, ngunalisambe ni yenu, nunanguwahisa.

² Evodia ni Sentiki, ngunaliumbu kuli yenu ngwami, livwenu ngwe akwetu akulinunga ni Mwene Yesu.

³ Ni yena nawa, mukwetu wa kushishika, ngunakulembe kwasa kama mapwo wano, mumu ahondanganyine hamwe ni yami ha kumwanga Sango Jibema. Chenacho alingile nawa Klemente ni akwetu akwo eswe a milimo, waze majina jo ali mu mukanda wa akwa mwono.

⁴ Wahililenu matangwa eswe mu kuliendela ni Mwene Yesu. Ngunambe nawa ngwami, wahililenu!

⁵ Lwezenu umbovu kuli atu eswe. Mwene Yesu kumeza ha shimbu likepe.

⁶ Kanda nulibikala ha Chuma nichimwe, alioze ha yuma yeswe liumbenu kuli Zambi ha kumwita yize nunahono. Mwitenu ni mbunge yakusakwila.

⁷ Mba uhwimino wa Zambi muukafunga mbunge jenu ni manyonga jenu mu kuliendela ni Kristu. Uhwimino uze unahiana yize mutu mahasa kunyingika.

⁸ Akwetu, haliabwila bukunenu yuma yize yibema ni yize yinatela uhaliso: yuma yamwenemwene, ni ya vumbi, ni ya ululi, ni yitoma, ni yakubemena, ni ya lufuma mubema.

⁹ Lingenu yuma yize nwalilongesele ni nwatambwile kuli yami, yize nambile ni yize nalingile. Mba Zambi, yoze wakutwaha uhwimino, makabwa hamwe ni yenu.

Paulu yasakwilila akwa Filipu ha chawana cho

¹⁰ Ngunawahilila kuhiana mu kuliendela chami ni Mwene Yesu! Hinwabwa nawa ni tangwa lia kungulweza zango lienu. Chambile ngwami, kunwanguzangile, alioze nwahonene tangwa lia kungulweza lio.

¹¹ Chambile chino mumu ngunahono, mumu hingunalilongesa kuyuka ni yize nguli nayo.

¹² Ngunanyingika lamba lia uswale ni kuyuka cha ubite. Hingunalilongesa kuyuka kuma kweswe ni matangwa eswe, chibwe ngunakuta hanji nguli ni zala, chibwe nguli ni yuma yinji hanji yikepe.

¹³ Ngunatakama mu yuma yeswe ni tachi ja Kristu, yoze unangutakamisa.

¹⁴ Hindu kanawa nwalingile ha kungukwasa mu lamba liami.

¹⁵ Yenu Afilipu, nunanyingika kanawa ngwenu, muze nakatukile mu chifuchi cha Masedonia, ha mwaka uze nabutwile kwambujola Sango Jibema, shina Chikungulwila chenu nwangukwashile. Ni hakutwala ku kutambula mbongo ni kulianyina jo, shina yenu wika nwalinga hamwe ni yami.

¹⁶ Chibwe muze nwabile mu limbo lia Tesalonika, nwangutuminyine yimwe yisuho yuma yize nahonene.

¹⁷ Chafupile shina yawana wika, alioze ngunazange mbongo jinji mu mushete wenu.

¹⁸ Hingunatambula jeswe jize nwangutuminyine—jinazuku. Haliabwila, nguli ni yuma yinazuku, mumu Epafroditu hanangunehena yawana yenu. Yawana yino yili ngwe mulambu wa vumba libema, chitapo chize chinabemena ku meso ja Zambi ni chize chinamuwahila.

¹⁹ Zambi yami makanuwahisa ha yeswe yize nunahono, nikulita ni kulumbama cha ubite wenyi muli Yesu Kristu.

²⁰ Halisenu Zambi yetu kanda Tata yetu ku miaka yeswe ni miaka yeswe. Chibwe kama Chenacho.

Kumeneka

²¹ Menekenu akwa kufuliela waze akulinunga ni Kristu Yesu. Akwetu waze ali hamwe ni yami kaananumeneka.

²² Akwa kufuliela eswe waze ali hano kaananumeneka, chibichibi akwa zuwo lia mwanangana wa Aroma.

²³ Mwene Yesu Kristu anulweze yenu eswe utu.