Ezra 2 - Mukanda Wa Zambi 1970

Majina ja waze atuhukile mu undungo

¹ Atu anji waze abwile mu undungo mu chifuchi cha Babilone yaahiluka ku limbo lia Yerusaleme ni mu membo a mu Yuda, mutu mweswe ku limbo lienyi. Akwa majiko jo te kaatwama mu undungo ku Babilonia chize kuze mwanangana Nebukanezore waatwalile funge.

² Miata jo te wano: Zerubabele, ni Yoshua, ni Nehemia, ni Seraya, ni Relaya, ni Mordekai, ni Bishane, ni Mispare, ni Bigyai, ni Rehume, ni Bana.

^3-20 Kwoka cha Aisraele a ku jimo ni jimo waze ahilukile: Jimo Atu Paroshe 2,172 Shefatia 372 Ara 775 Pahate Moabe (vungu lia Yeshua ni Joabe) 2,812 Elame 1,254 Zatu 945 Zakai 760 Bani 642 Bebai 623 Azgade 1,222 Adonikame 666 Bigvai 2,056 Adine 454 Atere (te kaakumuvuluka nawa ngwo, Hezekia) 98 Bezai 323 Jora 112 Hashume 223 Gibare 95.

Jimo Atu

^21-35 Kwoka cha waze ahilukile mu membo wano: Limbo Atu Betleheme 123 Netofa 56 Anatote 128 Azmavete 42 Kiriate Jearime, ni Kefira, ni Berote 743 Rama ni Geba 621 Mikmashe 122 Betele ni Ayi 223 Nebo 52 Magbishe 156 Elame likwo 1,254 Harime 320 Lode, ni Hadide, ni Ono 725 Yeriku 345 Sena 3,630.

Limbo Atu

^36-39 Kwoka cha mahako waze ahilukile: Jiko Mahako Jedaya (vungu lia Yeshua) 973 Imere 1,052 Pashure 1,247 Harime 1,017.

Jiko Mahako

^40-42 Majimo ja Alevi waze ahilukile: Yeshua ni Kadmiele (vungu lia Hodavia) 74, Njimba a mu zuwo lia Zambi (vungu lia Asafe) 128, Tufunga twa zuwo lia Zambi (vungu lia Shalume, ni Atere, ni Talmone, ni Akube, ni Hatita, ni Shobai) 139.

^43-54 Majimo ja akwa milimo a mu zuwo lia Zambi waze ahilukile: Ziha, ni Hasufa, ni Tabaote, ni Kerose, ni Siaha, ni Padone, ni Lebana, ni Hagaba, ni Akube, ni Hagabe, ni Shamlai, ni Hanane, ni Gidele, ni Gahare, ni Reaya, ni Rezine, ni Nedoka, ni Gazame, ni Uza, ni Pasea, ni Besai, ni Asna, ni Meunime, ni Nefisime, ni Bakbuke, ni Hafuka, ni Harhure, ni Bazlute, ni Mehida, ni Harsha, ni Barkose, ni Sisera, ni Tema, ni Nezia, ni Hatifa.

^55-57 Majimo ja tuvumbi twa Solomone waze ahilukile: Sotai, ni Hasoferete, ni Peruda, ni Jala, ni Darkone, ni Gidele, ni Shefatia, ni Hatile, ni Pokerete, ni Hazebaime, ni Ami.

⁵⁸ Kwoka cha vungu lia atu waze te akulingila ku zuwo lia Zambi ni lia tuvumbi twa Solomone waze atuhukile mu undungo 392.

^59-60 Atu 652 a ku majimo ja Delaya, ni Tobia, ni Nekoda yaahiluka ku membo ja Tele Mela, ni Tele Harsha, ni Kerube, ni Adane, ni Imere. Alioze te kaahashile kusa chinyingi pundu ngwo, tuli a ku vungu lia Israele.

^61-62 Atu wano a ku majimo ja mahako te kaahashile kusa chinyingi ngwo, tuli a ku vungu lia Israele: Habaya, ni Hakoza, ni Barzilai. (Kashakulu ka jimo lia mahako Barzilai yambata umwe pwo wa ku jimo lia Barzilai wa ku chifuchi cha Gileade, yanda jina lienyi ku vungu lia Ukwe wenyi.) Yaafupa kunyingika majimo ja tushakulu two, alioze kaahashile ko kusa chinyingi. Kashika akwa lutwe kaatayijile ko kubwa mahako.

⁶³ Mukwa kuyula wa Yuda yaambila ngwenyi: “Kanda nulia yakulia ya mulambu uze atu haalambula kuli Zambi ndoo ni muze hinwabwa ni umwe hako yoze mahasa kuhula kuli Zambi ni Urime ni Tumime.”

^64-67 Kwoka cha atu eswe waze atu hukile mu undungo 42,360. Ngamba jo a malunga ni a mapwo 7,337. Njimba a malunga ni mapwo 200. Tuvwalu 736, Mula 245, Tumelu 435, Yimbulu 6,720.

⁶⁸ Muze e funge haaheta ku zuwo lia Zambi mu Yerusaleme, amwe miata ja majimo yaahana milambu ha kutungulula zuwo lia Zambi homa halio.

⁶⁹ Yaahana nikulita ni kuhasa cho mumu ha milimo yize. Kwoka cha yuma yeswe, oru kilo 500, ni prata kilo 2,800, ni mahina ja mahako 100.

⁷⁰ Mahako, ni Alevi, ni amwe atu akwo yaatunga mu Yerusaleme ni akwo hehi ni lie limbo. Njimba, ni tufunga ni akwa milimo a ku zuwo lia Zambi yaatwama mu membo akusulangana. Aisraele akwo yaatunga mu membo ja tushakulu two.