Ezekiel 42 - Mukanda Wa Zambi 1970

Mazuwo aali hehi ni zuwo lia Zambi

¹ Hohene mwe lunga yangutwala mu yiize ya haze ndoo ku limwe zuwo ku norde lia zuwo lia Zambi, hehi ni zuwo lia ku chitokelo lia zuwo lia Zambi.

² Usuhwe wa lie zuwo te metro makumi atano, unene walio metro makumi aali ni jitano.

³ Sali limuwika te Hatala homa hamokomoko ku chitokelo cha zuwo lia Zambi, sali likwo liatala homa ha mawe akutata, mu yiize ya haze. Zuwo te lili ni yibatulo yitatu yakununga helu, mulongo ni mulongo yautunga hakepe kunyima.

⁴ Ku sali lia norde Ha He zuwo te jila yili ko, unene wayo metro jitano ni Usuhwe wayo metro makumi atano, ku sali lize yikubwa nawa yikolo.

^5-6 Unene wa yibatulo ya mu mulongo wa helu uli wihi kuhiana unene wa yibatulo ya mu mulongo wa kushi, kuyabwile ko ni manguji ngwe mazuwo akwo mu yiize.

^7-8 Mu mulongo utangu mbango ya haze yili lume mawe ha metro makumi aali ni jitano, kusuhwa cha Chipinji cha zuwo: mu Chipinji chize chasalile cha metro makumi aali ni jitano te yibatulo yili ko. Mu mulongo wa muchitatu yimubwa yibatulo chize ku songo limuwika ndoo ku songo likwo.

^9-10 Kushi Ha yibatulo yize, ku songo Ha ku chivumbuko Ha zuwo, te chikolo chili ko ku yiize ya haze. Ku sude ya zuwo Ha Zambi yikubwa zuwo Ha ngeseko yimuwika ni zuwo lize ku norde, hehi ni zuwo Ha ku chitokelo cha zuwo Ha Zambi.

¹¹ Kulutwe Ha yibatulo yikubwa jila ngwe yize ya ku norde: ngeseko yimuwika ni unjililo umuwika.

¹² Yikubwa chikolo kushi lia yibatulo ku sude ya zuwo ku songo lia ku chivumbuko.

¹³ Mwe lunga yangwamba ngwenyi: “Mazuwo wano eswe aali kaali a chijila. Mwenamo mahako waze akunjila ku meso ja Mwene Zambi kaakulia milambu ya chijila kuhiana. Yibatulo yize yili ya chijila, kashika mahako akutulikila mo milambu ya chijila kuhiana: milambu ya mbuto, ni ya milonga, ni ya kuhilwisa ni kuwezela.

¹⁴ Muze mahako haamanununa milimo yo mu zuwo Ha Zambi, nyi maazanga kuya mu yiize ya haze, chaatamba kuhichika mu yibatulo mahina waze akuzala muze te akulingila Mwene Zambi. Chaatamba kuzala mahina eka muze maaya ni kutakana ni atu.”

Ngeseko ya chipanga cha zuwo lia Zambi

¹⁵ Muze mwe lunga hamanununa kweseka yuma ya muchima Ha chipanga cha zuwo Ha Zambi, yangutwala haze Ha chikolo ku chivumbuko, mba yeseka chipanga haze.

¹⁶ Yanda lwoji wa kweseka nenyi, yeseka sali Ha chivumbuko Ha chipanga, te metro 250.

^17-20 Mba yeseka sali Ha norde, ni Ha sude, ni Ha chitokelo; sali ni sali te ngeseko yimuwika, metro 250. Che chipanga te chakuhandununa yuma ya Chijila ni yuma yikwo.