Alevi 13 - Mukanda Wa Zambi 1970

Shimbi hakutwala ku musongo ukalu wa ha chikowa

¹ Mwene Zambi yaaha Mose ni Arone Shimbi jikwo jino.

² Nyi umwe mutu habwa ni chijimbo hanji chizuwu hanji chibeka yize muyihasa kwalumuka musongo ukalu wa ha chikowa, akamuneha ku meso ja umwe hako wa ku jiko lia Arone.

³ Mwe hako ashishike kutala che chijimbo. Nyi ngwe wonawona wa he ha chijimbo hiwalumuka utoma, ni musongo hiwanjila mu mujimba, kuma kuuli musongo ukalu wa ha chikowa. Mba mwe hako makalweza mutu yoze ngwenyi: “Yena uli mukwa luchisa.”

⁴ Alioze nyi ngwe chijimbo hichatoma, ni musongo kuwanjilile ko mu mujimba, ni wonawona kuwalumukine ko utoma, hako makajilika mutu yoze matangwa shimbiali.

⁵ Hako akatala nawa mutu yoze ha tangwa lia muchishimbiali. Nyi makamona ngwe che chijimbo kuchalumukine, ni we musongo kuwatanjile ha mujimba, akamujilika nawa matangwa akwo shimbiali.

⁶ Hako akatala nawa mwe mutu ha tangwa lia muchishimbiali. Nyi che chijimbo hichafwilila, ni musongo kuwatanjile, chili chilonda chamokomoko. Hako akamulweza ngwenyi: “Yena unabeme kwe.” Mwe mutu akakosa mahina jenyi, mba makabema.

⁷ Alioze nyi musongo muukatanda muze hako hatala kulu mwe mutu, ni hamulweza ngwenyi habema, mwe mutu chatamba kusoloka nawa ku meso ja hako,

⁸ hanga amutale nawa. Nyi ngwe musongo hiwatanda, hako makamulweza ngwenyi: “Yena uli mukwa luchisa.” Kuuli musongo ukalu wa ha chikowa.

⁹ Nyi umwe mutu habwa ni musongo ukalu wa ha chikowa, akamuneha kuli hako,

¹⁰ hanga akamutale. Nyi kali ni chijimbo chitoma ha mujimba chize hichalumuna wonawona utoma, ni hichabwa nawa ni mashina,

¹¹ kuma kuuli musongo ukalu wa ha chikowa. Hako akamulweza ngwenyi: “Yena uli mukwa luchisa.” Hi kechi kumujilika nawa, mumu chamwenemwene kali mukwa luchisa.

¹² Nyi ngwe musongo hiwatanda hali mutu, chize ku mutwe ndoo ku molu,

¹³ hako akatala nawa mutu yoze. Nyi wamona ngwe musongo hiwamutanda mujimba weswe, akamulweza ngwenyi: “Yena unabeme kwe.” Nyi ngwe mujimba wenyi weswe hiwalumuka utoma, chamwenemwene habwa mubema.

¹⁴ Alioze nyi chilonda chinatupuka lukulunyinga, mweji kali mukwa luchisa.

¹⁵ Hako akatala nawa mwe mweji. Nyi wamona ngwenyi, chilonda chinatupuka lukulunyinga, akamulweza ngwenyi: “Yena uli mukwa luchisa.” Chilonda chize chinatupuka lukulunyinga, chinalumbunuka ngwo, mweji habwa ni musongo ukalu wa ha chikowa, kali mukwa luchisa.

¹⁶ Alioze muze che chilonda hichaya ni hichalumuka chitoma, mwe mutu akaya kuli hako

¹⁷ akamutale nawa. Nyi ngwe chilonda hichalumuka chitoma, mutu yoze habwa mubema. Mwe hako akamulweza ngwenyi: “Yena hiwabema kwe.”

¹⁸ Nyi umwe mutu te kali ni hute, alioze hiliaya,

¹⁹ mba hihasoloka chijimbo chitoma hanji hihasoloka chibeka chichiluluka, akaya kuli hako

²⁰ akamutale. Nyi hako makamona ngwe musongo hiwanjila mu mujimba ni wonawona hiwalumuka utoma, akalweza mweji ngwenyi: “Yena uli mukwa luchisa.” Kuuli musongo ukalu wa ha chikowa, uze hiwabutuka mu hute.

²¹ Alioze nyi mwe hako hamona ngwe wonawona kuwatomene, ni we musongo kuwanjile mujimba, ni chibeka chinalejima, hako akajilika mutu yoze matangwa shimbiali.

²² Nyi che chibeka hichatanda, hako akamulweza ngwenyi: “Yena uli mukwa luchisa.” Kali ni musongo.

²³ Alioze nyi ngwe kuchalumukine ni kuchatanjile, chili kwacho lume chimbandwa cha hute. Hako akalweza mwe mutu ngwenyi: “Yena unabeme.”

²⁴ Mutu nyi hawema kahia, ni yifwo ya ha chilonda hiyatoma hanji hiyachiluluka,

²⁵ hako akatala mutu yoze. Nyi wonawona wa ha chibeka hiwalumuka utoma, ni musongo hiwanjila mu mujimba, kuma kuuli musongo ukalu wa ha chikowa uze hiwabutuka ha che chilonda cha kahia. Hako akalweza mwe mweji ngwenyi: “Yena uli mukwa luchisa.”

²⁶ Alioze nyi wonawona kuwatomene, ni we musongo kuwanjilile mu mujimba, ni chibeka chinalejima, hako akajilika mutu yoze matangwa shimbiali.

²⁷ Hako akamutala nawa ha tangwa lia muchishimbiali. Nyi ngwe hiwatanda, kuma kuuli musongo ukalu wa ha chikowa. Hako akalweza mutu yoze ngwenyi: “Yena uli mukwa luchisa.”

²⁸ Alioze nyi ngwe chibeka kuchalumukine, ni kuchatanjile, ni chinalejima, hi musongo ukalu wa ha chikowa ko. Hako akalweza mutu yoze ngwenyi: “Yena unabeme kwe.” Mumu chili lume chimbandwa cha kahia.

²⁹ Nyi umwe lunga hanji pwo habwa ni chilonda ha mutwe hanji ku change,

³⁰ hako akatala mutu yoze. Nyi ngwe musongo jiwanjila mu mujimba, ni kambu hanji wevu hiyahuliwa, kuuli musongo ukalu wa ha chikowa. Hako akalweza mwe mweji ngwenyi: “Yena uli mukwa luchisa.”

³¹ Muze hako hamutala, nyi we musongo kuwasolokele ngwe hiwanjila mu mujimba, alioze wonawona Ubema kanda uchisoloka, akamujilika matangwa shimbiali.

³² Ha tangwa lia muchishimbiali, hako akatala nawa che chilonda. Nyi ngwe musongo kuwatanjile, ni kuwanjilile mu mujimba, ni kambu kuhachilulukile ko,

³³ mwe mutu akalitewula, alioze kanda akatewula ha chilonda. Mwe hako akajilika mutu yoze nawa matangwa shimbiali.

³⁴ Ha tangwa lia muchishimbiali hako akatala nawa che chilonda. Nyi ngwe musongo kuwatanjile, ni kuwanjilile mu mujimba, hako akalweza mutu yoze ngwenyi: “Yena unabeme kwe.” Mwe mutu akakosa mahina jenyi, mba makabema.

³⁵ Alioze nyi musongo hiwatanda ha mujimba muze te hamulweza kulu ngwo, kanabeme,

³⁶ hako akatala nawa mutu yoze. Nyi ngwe musongo hiwatanda ha mujimba, kuchatambile nawa kufupa wonawona. Chamwenemwene mutu kali wa luchisa.

³⁷ Alioze nyi hako wamona ngwenyi, musongo kuwanjilile ha mujimba, ni wonawona Ubema unasoloka, ni chilonda hichaya, hako akalweza mutu yoze ngwenyi: “Yena unabeme kwe.”

³⁸ Nyi ngwe umwe lunga hanji pwo habwa ni yibeka yitoma ha mujimba,

³⁹ hako akatala mutu yoze. Nyi yibeka yinatomo alioze kuyatemukine, yili lume ya lota yize yinasoloka mu chikowa. Mutu kanabeme kwenyi.

^40-41 Nyi kambu ja mutu jinahuluka ku mutwe, kali lwole, keshi kwenyi mukwa luchisa.

⁴² Nyimu lwole muusoloka chilonda chichiluluka, kuuli musongo ukalu wa ha chikowa.

⁴³ Hako akatala mwe mutu. Nyi ngwe chilonda chili chichiluluka

⁴⁴ hako akamulweza ngwenyi: “Yena uli mukwa luchisa,” mumu musongo ukalu wa ha chikowa hiwasoloka ha mutwe wenyi.

⁴⁵ Mweswawo makabwa ni musongo ukalu wa ha chikowa chatamba kuzala mahina a kusonya, akavundula kambu jenyi, akafuka mivumbo yenyi, akakololoka ngwenyi: “Luchisa, luchisa!”

⁴⁶ Matangwa eswe muze ali ni musongo uno kali wa luchisa. Chatamba kutwama haze lia musumba, akahandunuka kuli akwo.

Shimbi hakutwala ku Chuma chili ni mbundu

⁴⁷ Nyi mbundu muyisoloka ha mazalo, chibwe a ngona ja mapanga hanji atoma alefuna,

⁴⁸ hanji chimwe Chi handa cha hina, chibwe cha lambu, hanji Chuma cha kunuka ni lambu,

⁴⁹ nyi muyisoloka ngwe meya a matamba hanji yichinuka, kuyili mbundu yize yinatande, chatamba kumulweza cho hako.

⁵⁰ Hako akachitala, mba akachijilike matangwa shimbiali.

⁵¹ Ha tangwa lia muchishimbiali akachitala nawa. Nyi ngwe hichatanda mbundu, hichabwa cha luchisa.

⁵² Hako akocha che Chuma, mumu hichabwa ni mbundu yize yinatande.

⁵³ Alioze nyi hako hachitala, mba hamona ngwenyi, mbundu kuyatanjile,

⁵⁴ akalweza mukwa Chuma hanga akachikose, mba akachijilike nawa matangwa akwo shimbiali.

⁵⁵ Hako akachitala nawa. Nyi ngwe mbundu kuyalumukine, chibwe kuyatanjile ha che Chuma, hichabwa cha luchisa, chatamba kuchocha, chibwe mbundu yili kulutwe hanji kunyima.

⁵⁶ Alioze nyi hako hatala che Chuma, hamona ngwenyi, mbundu hiyajimuka, akabatula Chipinji chize chili ni mbundu.

⁵⁷ Alioze kulutwe, nyi mbundu yasoloka, hiyatanda nawa, Chuma chize akachocha.

⁵⁸ Nyi ngwe hachikosa mba che chibeka hichajimuka, akachikosa nawa, mba muchikabema.

⁵⁹ Yino ye Shimbi hakutwala ku mbundu yize yinasoloka ha mazalo, chibwe a ngona ja mapanga, hanji atoma alefuna, hanji ha lambu.