1 Sango Ja Mianangana 8 - Mukanda Wa Zambi 1970

Vungu lia Benjamine

¹ Ana ja Benjamine a malunga wano: Bela, ni Ashbele, ni Ahara,

² ni Noha, ni Rafa.

³ Lino lie vungu lia Bela: Adare, ni Gera, ni Abihude,

⁴ ni Abishua, ni Namane, ni Ahoa,

⁵ ni Gera, ni Shefufane, ni Hurame.

^6-7 Vungu lia Ehude lino: Namane, ni Ahija, ni Gera. No yaabwa akwa lutwe ja majiko waze te atwama mu Geba. Alioze akwa kole yaahuma. Kashika yaaya ni kutwama mu Manahate. Gera, tato ya Uza ni Ahihude, yaasongwela akwo.

^8-9 Shaharaime yalakula mapwo jenyi aali Hushume ni Bara. Hakusula, muze hatwama mu chifuchi cha Moabe, yambata Hodeshe, yasema ana a malunga wano: Jobabe, ni Zibia, ni Mesha, ni Malkame,

¹⁰ ni Jeuze, ni Sakia, ni Mirma. Ana jenyi a malunga eswe yaabwa akwa lutwe ja majiko jo.

¹¹ Shaharaime yasema nawa ni Hushume ana a malunga wano: Abitube ni Elpale.

¹² Ana ja Elpale a malunga wano: Ebere, ni Mishame, ni Shemede. Shemede mwe watungile membo wano: Ono ni Lode ni yihunda ya kusulangana.

Abenjamine mu Gate ni Aijalone

¹³ Beria ni Shema eno abwile akwa lutwe ja majiko jo, yaatwama mu limbo lia Aijalone ni yaahuma atu waze awanyine mu limbo lia Gate.

¹⁴ Lino lie vungu lia Beria: Ahio, ni Shashake, ni Jeremote,

¹⁵ ni Zebadia, ni Arade, ni Edere,

¹⁶ ni Mikele, ni Ishpa, ni Joha.

Vungu lia Benjamine mu Yerusaleme

¹⁷ Vungu lia Elpale lino: Zebadia, ni Meshulame, ni Hizki, ni Hebere,

¹⁸ ni Ishmerai, ni Izlia ni Jobabe.

¹⁹ Vungu lia Shimei lino: Jakime, ni Zikri, ni Zabdi,

²⁰ ni Elionai, ni Ziletai, ni Eliele,

²¹ ni Adaya, ni Beraya, ni Shimrate.

²² Vungu lia Shashake lino: Ishpane, ni Ebere, ni Eliele,

²³ ni Abdone, ni Zikri, ni Hanane,

²⁴ ni Hanania, ni Elame, ni Antotija,

²⁵ ni Ifdeya, ni Penuele.

²⁶ Vungu lia Jerohame lino: Shamsherai, ni Sheharia, ni Atalia,

²⁷ ni Jareshia, ni Eliya, ni Zikri.

²⁸ Wano e akwa lutwe ja majiko jo ni ja mavungu waze te atwama mu Yerusaleme.

Abenjamine a mu Gibeone ni mu Yerusaleme

²⁹ Jehiele mwe watungile limbo lia Gibeone, yatwama mo. Pwo lienyi Maka.

³⁰ Mwanenyi mutangu Abdone. Ana jenyi akwo a malunga wano: Zure, ni Kishi, ni Bale, ni Nere, ni Nadabe,

³¹ ni Gedore, ni Ahio, ni Zekere,

³² ni Miklote, mwe tato ya Shimea. Vungu lio te kaatwama mu Yerusaleme hehi ni majiko ja jimo lio.

Jiko lia mwanangana Saulu

³³ Nere mwe wasemene Kishi, Kishi yasema mwanangana Saulu. Saulu yasema ana a malunga wano: Jonatane, ni Malkishua, ni Abinadabe, ni Eshbale.

³⁴ Jonatane yasema Meribale, mwe tato ya Mika.

³⁵ Ana ja Mika a malunga wano: Pitone, ni Meleke, ni Tarea, ni Ahaze.

³⁶ Ahaze yasema Johoada. Ana ja Johoada a malunga wano: Alemete, ni Azmavete, ni Zimri. Zimri yasema Moza,

³⁷ Moza yasema Binea, Binea yasema Rafa, Rafa yasema Eleasa, Eleasa yasema Azele.

³⁸ Ana ja Azele a malunga wano: Azrikame, ni Bokeru, ni Ishmaele, ni Shearia, ni Obadia, ni Hanane.

³⁹ Ana a malunga ja Esheke, mwanakwo wa Azele, wano: Ulame, ni Jeushe, ni Elifelete.

⁴⁰ Ana a malunga ja Ulame yaabwa tujita a tachi ni a mana ha kwasa jita ni mata a kwasa. Kwoka cho 150. Wano eswe te vungu lia Benjamine.