1 Sango Ja Mianangana 7 - Mukanda Wa Zambi 1970

Vungu lia Isakare

¹ Ana ja Isakare a malunga wano: Tola, ni Pua, ni Jashube, ni Shimrone.

² Ana ja Tola a malunga wano: Uzi, ni Refaya, ni Jeriele, ni Jamai, ni Ibsame, ni Shemuele. Eno abwile akwa lutwe ja majiko a ku jimo lia Tola, te tujita a tachi. Ha matangwa ja mwanangana David vungu lio kwoka cho te 22,600.

³ Uzi yasema mwana wa lunga umuwika, jina lienyi Izrahia. Ana ja Izrahia a malunga wano: Mikele, ni Obadia, ni Joele, ni Ishia. Eswe yaabwa akwa lutwe ja majiko jo.

⁴ Yaabwa ni mapwo anji ni ana anji, kashika mu vungu lio kwoka cha tujita 36,000.

⁵ Mu vungu lia Isakare kwoka cha malunga waze te atela kubwa tujita 87,000.

Vungu lia Benjamine ni Dane

⁶ Ana ja Benjamine a malunga wano: Bela, ni Bekere, ni Jediaele.

⁷ Ana ja Bela a malunga wano: Ezbone, ni Uzi, ni Uziele, ni Jerimote, ni Iri. Yaabwa akwa lutwe ja majiko a lie jimo, eswe yaabwa tujita a tachi. Mu vungu lio kwoka cha malunga waze atela kubwa tujita 22,034.

⁸ Ana ja Bekere a malunga wano: Zemira, ni Joashe, ni Eliezere, ni Elionai, ni Omri, ni Jeremote, ni Abija, ni Anatote, ni Alemete.

⁹ Malunga waze atela kubwa tujita 20,200.

¹⁰ Jediaele yabwa ni mwana wa lunga umuwika, jina lienyi Bilhane, Ana ja Bilhane a malunga wano: Jeushe, ni Benjamine, ni Ehude, ni Kenana, ni Zetane, ni Tarshishi, ni Ahishahare.

¹¹ No yaabwa akwa lutwe ja majiko a lie jimo, eswe yaabwa tujita a tachi. Mu vungu lio kwoka cha malunga waze te atela kubwa tujita 17,200.

¹² Shupime ni Hupime no yaabwa nawa akwa vungu lize. Dane yabwa ni mwana wa lunga umuwika, jina lienyi Hushime.

Vungu lia Naftali

¹³ Ana ja Naftali a malunga wano: Jaziele, ni Guni, ni Jezere, ni Shalume. (Te akwa vungu lia Bilha.)

Vungu lia Manase

¹⁴ Manase ni pwo lienyi wa ku Arame yasema ana a malunga wano: Asriele ni Makire. Makire te mwe tato ya Gileade.

¹⁵ Makire yambachila Hupime ni Shupime mapwo. Ndumbu ya Makire jina lienyi Maka. Mwana wa muchaali wa Maka jina lienyi Zelofehade, yasema lume ana a mapwo.

¹⁶ Maka, pwo lia Makire, yasema ana a malunga aali: Pereshe, ni Shereshe. Pereshe yasema ana a malunga aali: Ulame ni Rakeme,

¹⁷ Ulame yasema mwana wa lunga umuwika jina lienyi Bedane. Wano eswe kaali akwa vungu lia Gileade, mwana wa Makire mujikulu wa Manase.

¹⁸ Hamolekete ndumbu ya Gileade, yabwa ni ana a malunga wano: Ishode, ni Abiezere, ni Mala.

¹⁹ (Ana ja Shamide a malunga wano: Ahiane, ni Shekame, ni Liki, ni Aniame.)

Vungu lia Efraime

²⁰ Ana ja Efraime a malunga wano: Shutela, ni ana jenyi Berede, ni Tahate, ni Eleade, ni Tahate,

²¹ ni Zabade, ni Shutela. Efraime yasema nawa ana akwo a malunga: Ezere ni Eleade, waze ashihile kuli akwa Gate muze esekele kwiya ngombe yo.

²² Tato Efraime yanenganyana matangwa anji mumu hali ayo; ana akwo yeeza ni kumulembejeka.

²³ Efraime yalimona nawa ni pwo lienyi, pwo yaka ufumba, yasema mwana wa lunga. Yamuluka jina Beria, mumu ha lamba lize amwene mu jiko lio.

²⁴ Efraime yasema mwana wa pwo jina lienyi Shera. Mwe Shera yatunga membo ja Bete Horone ya ku Mwanda ni ya ku Tunda ni Uzene Shera.

²⁵ Efraime yabwa nawa ni mwana wa lunga Refa. Vungu lienyi lino: Reshefe, ni Tela, ni Tahana,

²⁶ ni Ladane, ni Amihude, ni Elishama,

²⁷ ni Nune, ni Yoshua.

²⁸ Chifuchi chize atambwile ni kutwama mo chabwile ni limbo lia Betele ni ye yihunda yakusulangana, chize ku Narane ku chivumbuko ndoo ku Gezere ku chitokelo ni ye yihunda yakusulangana. Chabwile nawa ni membo ja Shekeme ni Aya, ni ye yihunda yakusulangana.

²⁹ Vungu lia Manase yaabwa ni membo ja Bete Sheane, ni Tanake, ni Megido, ni Dore, ni ye yihunda yakusulangana. Mu yihunda yino mwe atwamine vungu lia Josefe mwana wa Yakoba.

Vungu lia Ashere

³⁰ Ana ja Ashere a malunga wano: Imna, ni Ishva, ni Ishvi, ni Beria; ni mwana wa pwo umuwika, jina lienyi Sera.

³¹ Ana ja Beria a malunga wano: Hebere ni Malkiele. (Malkiele mwe watungile limbo lia Birzaite.)

³² Ana ja Hebere a malunga wano: Jaflete, ni Shomere, ni Hotame; ni mwana wa pwo umuwika, jina lienyi Shua.

³³ Ana ja Jaflete a malunga wano: Pasake, ni Bimhale, ni Ashvate.

³⁴ Ana ja Shomere a malunga wano: Roga, ni Jehuba, ni Arame.

³⁵ Ana ja Hotame a malunga wano: Zofa, ni Imna, ni Sheleshe, ni Amale.

³⁶ Lino lie vungu lia Zofa: Sua, ni Harnefere, ni Shuale, ni Beri, ni Imra,

³⁷ ni Bezere, ni Hode, ni Shama, ni Shilha, ni Itrane, ni Bera.

³⁸ Lino lie vungu lia Jetere: Jefune, ni Pispa, ni Ara.

³⁹ Vungu lia Ula: Ara, ni Haniele, ni Rizia.

⁴⁰ Wano eswe te vungu lia Ashere. Yaabwa akwa lutwe ja majiko jo, te tujita a tachi, miata a lefuna. Mu vungu lia Ashere kwoka cha malunga waze te atela kubwa tujita 26,000.