1 Sango Ja Mianangana 6 - Mukanda Wa Zambi 1970

Jimo lia mwata wa mahako ja Zambi

¹ Ana ja Levi a malunga wano: Geshone, ni Kohate, ni Merari.

² Ana ja Kohate a malunga wano: Amrame, ni Izhare, ni Hebrone, ni Uziele.

³ Ana ja Amrame a malunga wano: Arone ni Mose, ni wa pwo Miriame. Ana ja Arone a malunga wano: Nadabe, ni Abihu, ni Eleazare, ni Itamare.

⁴ Vungu lia Eleazare lino: Finehase, ni Abishua,

⁵ ni Buki, ni Uzi,

⁶ ni Zerahia, ni Merayote,

⁷ ni Amaria, ni Ahitube,

⁸ ni Zadoke, ni Ahimaze,

⁹ ni Azaria, ni Johanane,

¹⁰ ni Azaria, (mwenawo te wakulingila mu zuwo lia Zambi lize atungile mwanangana Solomone mu Yerusaleme),

¹¹ ni Amaria, ni Ahitube,

¹² ni Zadoke, ni Shalume,

¹³ ni Hilkia, ni Azaria,

¹⁴ ni Seraya, ni Jehozadake.

¹⁵ Mwanangana Nebukanezore yakwata Jehozadake hamwe ni atu akwo a mu chifuchi cha Yuda ni a mu limbo lia Yerusaleme waze Mwene Zambi atwalile mu ubinji.

Vungu likwo lia Levi

¹⁶ Ana ja Levi a malunga wano: Gershone, ni Kohate, ni Merari.

¹⁷ Ayo eswe yaabwa ni ana a malunga. Gershone yasema Libni ni Shimei.

¹⁸ Kohate yasema Amrame, ni Ihare, ni Hebrone, ni Uziele,

¹⁹ Merari yasema Mali mi Mushi.

²⁰ Vungu lia Gershone lino: Libni, ni Jahate, ni Zima,

²¹ ni Joa, ni Ido, ni Zera, ni Jeaterai.

²² Vungu lia Kohate lino: Aminadabe, ni Kora, ni Asire,

²³ ni Elkana, ni Ebiasafe, ni Asire,

²⁴ ni Tahate, ni Uriele, ni Uzia, ni Shaule.

²⁵ Ana ja Elkana a malunga wano: Amasai ni Ahimote.

²⁶ Vungu lia Ahimote lino: Elkana, ni Zofai, ni Nahate,

²⁷ ni Eliabe, ni Jerohame, ni Elkana.

²⁸ Ana ja Samuel a malunga wano: mukulwana Joele, chihata chenyi Abija.

²⁹ Vungu lia Merari lino: Mali, ni Libni, ni Shimei, ni Uza,

³⁰ ni Shimea, ni Hagia, ni Asaya.

Njimba a mu zuwo lia Zambi

³¹ Wano e malunga waze mwanangana David asele ku milimo ya kwimba miaso muma mwa kuwayila mu limbo lia Yerusaleme, muze haasa mo mushete wa Usendo.

³² Yaalinga tangwa ha tangwa milimo ya kwimba ku zuwo lia Mwene Zambi lia makubu muze te mwanangana Solomone kanda achimutungila zuwo.

³³ Akwa jiko waze alingile milimo yize wano. Ku jimo lia Kohate te Hemane, mukwa lutwe wa mbunga yitangu ya njimba, te mwana wa Joele. Vungu lienyi lino: Hemane, ni Joele, ni Samuel,

³⁴ ni Elkana, ni Jerohame, ni Eliele, ni Toa,

³⁵ ni Zufe, ni Elkana, ni Mahate, ni Amasai,

³⁶ ni Elkana, ni Joele, ni Azaria, ni Zefania,

³⁷ ni Tahate, ni Asire, ni Ebiasafe, ni Kora,

³⁸ ni Izhare, ni Kohate, ni Levi, ni Yakoba.

³⁹ Asafe mwe mukwa lutwe wa mbunga ya muchaali ya njimba. Akwa jiko lienyi wano: Asafe, ni Berekia, ni Shimea,

⁴⁰ ni Mikele, ni Baseya, ni Malkija,

⁴¹ ni Etni, ni Zera, ni Adaya,

⁴² ni Etane, ni Zima, ni Shimei,

⁴³ ni Jahate, ni Gershone, ni Levi.

⁴⁴ Etane wa ku jimo lia Merari mwe wabwile mukwa lutwe wa mbunga ya muchitatu ya njimba. Akwa jiko lienyi wano: Etane, ni Kishi, ni Abdi, ni Maluki,

⁴⁵ ni Hashabia, ni Amazia, ni Hilkia,

⁴⁶ ni Amzi, ni Bani, ni Shemere,

⁴⁷ ni Mali, ni Mushi, ni Merari, ni Levi.

⁴⁸ Usoko wa Alevi yaaha milimo yeswe yikwo ya mu zuwo lia Zambi.

Vungu lia Arone

⁴⁹ Arone ni vungu lienyi eno akulambula yuma ya vumba libema ni yimuna ya kwochela ha chilumbilo. Ayo e abwile ni milimo yeswe ya uwayilo ya muma mwa chijila ni milambu yize te Mwene Zambi akukonekena nayo milonga ya Aisraele. Yino yeswe yaayilinga nikulita ni Shimbi jize aahele kuli Mose, kavumbi ka Zambi.

⁵⁰ Vungu lia Arone lino: Eleazare, ni Finehase ni Abishua,

⁵¹ ni Buki, ni Uzi, ni Zerahia,

⁵² ni Merayote, ni Amaria, ni Ahitube,

⁵³ ni Zadoke, ni Ahimaze.

Kuma kuze te kwatwama Alevi

⁵⁴ Chino che chifuchi chize ahanyine ku jimo lia Kohate a ku vungu lia Arone. Yaatambula Chihanda chitangu cha chifuchi chize ahanyine kuli Alevi.

⁵⁵ Yaaha limbo lia Hebrone mu chifuchi cha Yuda ni kwe ku ulishilo wa yimuna.

⁵⁶ Alioze minda ni yihunda ya kusulangana, yiibwa ya mbala ya Kaleba, mwana wa Jefune.

^57-59 Wano e membo ja vungu lia Arone: Hebrone, limwe limbo lia kuchinyina, ni Jatire, ni membo ja Libna, ni Eshtemoa, ni Hilene, ni Debire, ni Ashane, ni Bete Shemeshe, ni yifuchi yo yakulishila yimuna.

⁶⁰ Mu chifuchi cha Benjamine yaaha membo wano ni ku ulishilo wa yimuna: Geba, ni Alemete, ni Anatote. Membo jo eswe te kumi ni atatu nikulita ni majiko jo.

⁶¹ Mu chifuchi cha Manase ku chitokelo cha lwiji Yordau akwa jimo lia Kohate waze asalile yaaha membo kumi ha kuta chela.

⁶² Ku jimo lia Gershone, ku jiko ni jiko, yaaha membo, kumi ni atatu mu yifuchi ya Isakare ni Ashere, ni Naftali, ni Chipinji cha Manase ku chivumbuko cha lwiji Yordau mu chifuchi cha Bashane.

⁶³ Chimuwika nawa, mu chifuchi cha Rubene, ni Gade, ni Zebulone, akwa jimo lia Merari, jiko ni jiko.

⁶⁴ Chenacho Aisraele atetelele Alevi membo ha kutwama mo hamwe ni yifuchi yize yaajingilika ya kulishila yimuna.

⁶⁵ (Membo a mu yifuchi ya Yuda, ni Simeone, ni Benjamine, yaahayo nawa ha kuta chela.)

⁶⁶ Amwe a ku majiko ja Kohate yaaha membo ni yifuchi ya kulishila yimuna mu chifuchi cha Efraime:

⁶⁷ Shekeme, limbo lia kuchinyina ha milundu ya Efraime, ni Gezere,

⁶⁸ ni Jokmeame, ni Bete Horone,

⁶⁹ ni Aijalone, ni Gate Rimone.

⁷⁰ Mu chifuchi cha Manase ku chitokelo cha lwiji Yordau, yaaha membo ja Anere ni Bileame hamwe ni ye yifuchi yaajingilika ya kulishila yimuna.

⁷¹ Majiko ja jimo lia Gershone yaaha membo hamwe ni ye yifuchi yaajingilika ya kulishila yimuna. Mu chifuchi cha Manase ku chivumbuko cha lwiji Yordau: Golane mu chifuchi cha Bashane, ni Ashtarote.

⁷² Mu chifuchi cha Isakare: Kedeshe, ni Daberate,

⁷³ ni Ramote, ni Aneme.

⁷⁴ Mu chifuchi cha Ashere: Mashala, ni Abdone,

⁷⁵ ni Hukoke, ni Rehobe.

⁷⁶ Mu chifuchi cha Naftali: Kedeshe mu chifuchi cha Galilea, ni Hamone, ni Kiriataime.

⁷⁷ Majiko ja jimo lia Merari waze asalile yaaha membo ni yifuchi yaajingilika ya kulishila yimuna. Mu chifuchi cha Zabulone: Rimono ni Tabore.

⁷⁸ Mu chifuchi cha Rubene, ku chivumbuko cha lwiji Yordau ku sali lia Yeriku: Bezere ku yifuchi ya ku tunda, ni Jaza,

⁷⁹ ni Kedemote, ni Mefate.

⁸⁰ Mu chifuchi cha Gade: Ramote mu Gileade ni Mahanaime,

⁸¹ ni Heshbone, ni Jazere.