1 Sango Ja Mianangana 2 - Mukanda Wa Zambi 1970

Vungu lia Yuda

¹ Ana ja Yakoba a malunga wano: Rubene, ni Simeone, ni Levi, ni Yuda, ni Isakare, ni Zabulone,

² ni Dane, ni Josefe, ni Benjamine, ni Naftali, ni Gade, ni Ashere.

³ Ana ja Yuda a malunga wano: Ere, ni Onane, ni Shela, waze asemene ni Bateshua, mukwa Kanana. Mwanenyi mutangu Ere yabwa mubi kuhiana kashika Mwene Zambi yamushiha.

⁴ Yasema nawa ni tembwa mwanenyi Tamare: Pereze ni Zera.

⁵ Ana ja Pereze a malunga wano: Hezrone ni Hamule.

⁶ Ana ja Zera a malunga wano: Zimri, ni Etane, ni Hemane, ni Kalkole, ni Darda.

⁷ Akare mwana wa Karmi, umwe wa ku vungu lia Zera, yakoka lamba hali Aisraele ha kusweka Chuma chize haanajilika kuli Zambi.

⁸ Etane yabwa ni mwana umuwika, Azaria.

Vungu lia mwanangana David

⁹ Ana ja Hezrone a malunga wano: Jeramele, ni Rame, ni Kaleba.

¹⁰ Majiko jo chize kuli Rame ndoo kuli Jese: Rame, ni Aminadabe, ni Nashone, (mutu mulemu wa vungu lia Yuda),

¹¹ ni Salmone, ni Boaze,

¹² ni Obede, ni Jese.

¹³ Ana ja Jese a malunga wano: Eliabe, ni Abinadabe, ni Shama,

¹⁴ ni Netanele, ni Rada,

¹⁵ ni Ozeme, ni David.

¹⁶ Yabwa nawa ni ana a mapwo aali, Zeruya ni Abigaile. Ana ja Zeruya a malunga wano: Abishai, ni Joabe, ni Asahele.

¹⁷ Abigaile yamumbata kuli Jetere, wa ku vungu lia Ishmaele, yasema nenyi mwana jina lienyi Amasa.

Vungu lia Hezrone

¹⁸ Kaleba mwana wa Hezrone yambata Azuba, neye yasema mwana wa pwo Jeriote, ni ana a malunga Jeshere, ni Shobabe, ni Ardone.

¹⁹ Muze Azuba hafwa, Kaleba yambata Efrata. No yaasema mwana jina lienyi Hure.

²⁰ Hure yasema Uri, Uri yasema Bezalele.

²¹ Muze Hezrone habwa ni miaka makumi asambano, yambata mwana wa Makire, ndumbu ya Gileade. Yasema mwana jina lienyi Segubu,

²² Segubu yasema mwana wa lunga jina lienyi Jaire. Mwe Jaire yayula membo makumi aali ni atatu mu chifuchi cha Gileade.

²³ Alioze wanangana wa Geshure ni Arame yiukumba membo makumi asambano, kuchinga ni yihunda ya Jaire ni Kanate, ni yihunda yize yakusulangana. Atu eswe waze te atwama ko kaali vungu lia Makire, tato ya Gileade.

²⁴ Muze Hezrone hafwa, mwanenyi Kaleba yambata Efrata, pwo yoze ahichikile tato. Yasema nenyi mwana wa lunga jina lienyi Ashure, yoze watungile limbo lia Tekoa.

Vungu lia Jeramele

²⁵ Jeramele mwana mutangu wa Hezrone, anenyi a malunga wano: Rame, ni Buna, ni Orene, ni Ozeme, ni Ahija.

^26-27 Ana ja Rame a malunga wano: Maze, ni Jamine, ni Ekere. Jeramele yambata pwo mukwo Atara, no yaasema mwana wa lunga, Oname.

²⁸ Ana ja Oname a malunga wano: Shamai ni Jada; ana ja Shamai a malunga wano: Nadabe ni Abishure.

²⁹ Abishure yambata umwe pwo Abiale. No yaasema ana a malunga wano: Abane ni Molide.

³⁰ Ana ja Nadabe a malunga wano: Selede ni Apaime, alioze Selede yafwa kahichikile ko ana.

³¹ Apaime yasema Ishi, Ishi yasema Sheshane, Sheshane yasema Ahalai.

³² Jada mwanakwo ya Shamai, anenyi a malunga wano: Jetere ni Jonatane, alioze Jetere yafwa, kahichikile ko ana.

³³ Ana ja Jonatane a malunga wano: Pelete ni Zaza. Wano eswe te lie vungu lia Jeramele.

³⁴ Sheshane kasemene ko ana a malunga, shina ana a mapwo wika, yabwa ni umwe kavumbi Jara, wa ku chifuchi cha Egiptu,

³⁵ yamwaha mwanenyi wa pwo yamumbata. No yaasema mwana wa lunga jina lienyi Atai.

³⁶ Majiko jo chize kuli Atai ndoo kuli Elishama wano: Atai, ni Natane, ni Zabade,

³⁷ ni Efiale, ni Obede,

³⁸ ni Jehu, ni Azaria,

³⁹ ni Heleze, ni Eleasa,

⁴⁰ ni Sismai, ni Shalume,

⁴¹ ni Jekamia, ni Elishama.

Vungu likwo lia Kaleba

⁴² Mesha mwana mutangu wa Kaleba, mwanakwo ya Jeramele, yasema Zife, Zife yasema Maresha, Maresha yasema Hebrone.

⁴³ Ana ja Hebrone a malunga wano: Kora, ni Tapua, ni Rekeme, ni Shema.

⁴⁴ Shema yasema Rahama, Rahama yasema Jorkeame. Rekeme, yayo ya Shema, yasema Shamai,

⁴⁵ Shamai yasema Maone, Maone yasema Betzure.

⁴⁶ Kaleba te kakwete pwo mukwo jina lienyi Efwa. No yaasema ana a malunga wano: Harane, ni Moza, ni Gazeze. Harane yasema mwana wa lunga jina lienyi nawa Gazeze.

⁴⁷ (Umwe lunga Jadai yasema ana a malunga wano: Regeme, ni Jotame, ni Geshane, ni Pelete, ni Efwa, ni Shafa.)

⁴⁸ Kaleba yabwa nawa ni pwo mukwo Maka. No yaasema ana a malunga wano: Shebere, ni Tirhana.

⁴⁹ Yaasema nawa ana a malunga aali: Shafa, mwenawo watungile limbo lia Madmana ni Sheva, mwe watungile membo ja Makbena ni Gibea. Kaleba yasema nawa mwana wa pwo umuwika, jina lienyi Aksa.

⁵⁰ Vungu likwo lia Kaleba lino. Kaleba ni pwo lienyi Efrata yaasema Hure, mwe mwano mutangu. Shobale mwana wa Hure yatunga limbo lia Kiriate Jearime.

⁵¹ Salma mwanenyi wa muchaali yatunga limbo lia Betleheme Harefe mwanenyi wa muchitatu yatunga limbo lia Betgadere.

⁵² Shobale yoze watungile Kiriate Jearime, mwe kashakulu ka Aharoe, ni Chihanda cha hamuchima cha Amanuhate,

⁵³ ni majimo waze te atwama mu Kiriate Jearime: Aitrite, ni Apuhe, ni akwa Ashumatite, ni Amishraite. (Atu ja mu membo ja Zora ni Eshtaole te a ku mbunga ya majimo jo.)

⁵⁴ Salma, yoze watungile Betleheme, mwe kashakulu ka Anetofate, ni Aatorote Bete Joabe, ni Azore, te jiko limuwika lia ku majiko aali ja Manahate.

⁵⁵ (Majiko ja akwa mana akusoneka mikanda te atwama mu limbo lia Jabeze wano: Atirate, ni Ashimeate, ni Asukate. Eno te Akene waze alimbachilile ni Arekabe.)