1 Petulu 5 - Mukanda Wa Zambi 1970

Fungenu mbunga ya Zambi

¹ Yami, umwe mukulwana wa Chikungulwila ngunashinjila makulwana mukachi kenu. Nguli chela cha lamba lize amwene Kristu, mungukabwa nawa ni kamwe ka uhenya uze muukasoloka. Ngunaliumbu kuli yenu ngwami,

² bwenu tufunga twa mbunga yize anukunjikile Zambi. Atalenu kanawa, hi ni kuzangisa ko, alioze ngwe chize anazange Zambi. Manununenu milimo yenu, hi ni lwahu wa mbongo ko, alioze ni

³ Kanda nulipwisa ngwe miata ja atu waze anuhele Zambi ni kwafunga, alioze bwenu yilweza ku mbunga.

⁴ Muze makasolola Kafunga Munene, munukatambula chipangula cha uhenya uze kuushi kukosoloka nichimwe.

⁵ Chimuwika nawa, ni yenu akweze, Zeyelenu kuli makulwana jenu. Ni yenu eswe likehesenu ha kulilingila ni akwenu. Mumu Mukanda wa Zambi unambe ngwo: “Zambi kakulimika ni akwa kulengumuka, alioze kakulweza utu kuli akwa kulikehesa.”

⁶ Kashika, likehesenu mu chiyulo cha kwoko lia ndundo ja Zambi, hanga akanulemese ha tangwa lize atongwele.

⁷ Mwehenu yibikalo yenu yeswe, mumu kakunufunga.

⁸ Limukenu, kanyamenu! Mumu mukwa kole yenu, Sakwonga, kakwendangana ngwe tambwe yoze wakukenana, ni kufupa yoze malia.

⁹ Manenu nguu mu ufulielo, limikenu ni Sakwonga, mumu nunanyingika ngwenu, akwenu akwo waze haanamwangashana hashi heswe, kaakumona nawa lamba liliene.

¹⁰ Alioze, muze hinwamona lamba ha shimbu likepe, Zambi ya utu weswe, yoze wanutambikile hanga nubwe ni kamwe ka uhenya wenyi wa miaka yeswe mu kulinunga ni Kristu, makanupwisa angunu, makanutakamisa, makanujikijisa.

¹¹ Ndundo jenyi jimoneke ku miaka yeswe! Chibwe kama Chenacho.

Kumeneka

¹² Silvanu unangukwase kunusonekena mukanda uno ukepe. Kali mukwetu mukwa kushishika. Ngunazange kunutakamisa ni kushindakenya ngwami, uno we utu wamwenemwene wa Zambi. Manenu mo nguu.

¹³ Akwa Chikungulwila cha Babilone, waze Zambi atambikile ngwe yenu, kaananumeneka. Mwanami Marku neye kananumeneka.

¹⁴ Limenekenu ni mbeju ya zango. Bwenu ni uhwimino yenu eswe waze nwakulinunga ni Kristu.