Kölfel 82 - Chuukese Bible

Kot a apwüngü ekewe soukapwüng mi pwüngingau 82.1-8

Echö än Asaf köl.

¹ Kot ewe meilapen ewe mwichen lon läng, a eäni kapwüng me lein ekewe kot:

² “Ifa ükükün fansoun ämi oupwe eäni kapwüng fän pwüngingau o peni ekewe aramasangau?

³ Oupwe eäni kapwüng fän pwüng ngeni ekewe mi mwelele me ekewe mi mäsen. Oupwe eäni pwüng ngeni ekewe mi riaföü me wöüngau.

⁴ Oupwe amanaua ekewe mi mwelele me ekewe mi osupwang o angaserela seni lepöün ekewe aramasangau.”

⁵ Iwe, esap wor ar sile ika mirit, ra chök fetal lon rochopwak. Ra ataela ekewe pwüüng ekewe mwün fanüfan ra longolong won.

⁶ Üa apasa, “Ämi oua kot, ämi meinisin nöün Ewe mi Unusen Tekia.

⁷ Nge ämi oupwe chök mäla usun aramas, oupwe mäfeiengau usun chök ekewe samol.”

⁸ Ai Kot, kopwe feito o apwüngü fanüfan, pun noum chök chon ekewe mwü meinisin.