Kölfel 3 - Chuukese Bible

Iotekin lesosor pwe Kot epwe alilis 3.1-8

Echö än Tafit köl lupwen an sü seni Apsalom nöün we.

¹ Ai Samol mi Lapalap, ekewe mi oputaei ra kon chomong! Chomong ra ü ngeniei.

² Chomong ra kapas usi, “Esap wor an alilis me ren Kot.”

³ Nge en, ai Samol mi Lapalap, ka epeti seniei feiengau, en ai ling, ka achimwäeitä.

⁴ Üa leüömong le siö ngeni ewe Samol mi Lapalap, nge i a pälüeniei seni chukun mi pin.

⁵ Üa konola o möür. Üa pwal nenela, pun ewe Samol mi Lapalap a tümwünüei.

⁶ Üsap niuokusiti engol ngeröün aramas mi pwelifeiliei o ü ngeniei.

⁷ Kopwe feito, ai Samol mi Lapalap. Kopwe angasaei, ai Kot. Pun ka apwüngü ekewe chon oputaei meinisin, ka angei seniir ar pöchökül pwe resap tongeni afeiengauaei.

⁸ Ewe Samol mi Lapalap a angasala aramas mi nom lon weires. Om feiöch epwe nom won noum aramas.