Kölfel 150 - Chuukese Bible

Sipwe mwareiti Kot 150.1-6

¹ Ousipwe mwareiti ewe Samol mi Lapalap. Oupwe mwareiti Kot me lon lenian mi pin, oupwe mwareiti an manaman lon läng.

² Oupwe mwareiti i ren an kewe föför mi manaman, oupwe mwareiti an tekia esap wor aükükün.

³ Oupwe mwareiti i ren tikin rappwa, oupwe mwareiti i ren ükülele me kitar.

⁴ Oupwe mwareiti i ren pisekin kaktai me pworuk, oupwe mwareiti i ren pisekin ettik mi wor saitenin, pwal ren aangün.

⁵ Oupwe mwareiti i ren sokopaten pisekin kaktai mi tikiken, oupwe mwareiti i ren sokopaten pisekin kaktai mi osomong.

⁶ Mönümanau meinisin repwe mwareiti ewe Samol mi Lapalap. Ousipwe mwareiti ewe Samol mi Lapalap.