Kölfel 137 - Chuukese Bible

Än ekewe chon oola Papilon kechü 137.1-9

¹ Iwe, ünükün ekewe chanpupun Papilon aia mottiu o kechü, lupwen aia chechemeni Sion.

² Ikenan aia asapätä nöüm kewe ükülele won ekewe silifö.

³ Ikenan ekewe chon liapenikem ra ürenikem pwe aipwe köl, ekewe chon ariaföüükem ra ariänikem pwe aipwe pwapwa, ra apasa, “Oupwe eäni ngenikem echö ekewe kölün Sion.”

⁴ Epwe ifa usun, äm aipwe tongeni eäni kölün ewe Samol mi Lapalap lon fanüen ekis?

⁵ Are üpwe manlükala en, Jerusalem, pöüifichi epwe pwasala.

⁶ Chönawei epwe pachätä fän fongochi, are üsap chechemenuk, are üsap ekieki pwe en, Jerusalem, kopwe ai pwapwa lap seni mettoch meinisin.

⁷ Ai Samol mi Lapalap, kopwe chechemeni mine ekewe chon Etom ra föri lon ewe ränin Jerusalem a tala. Kopwe chechemeni usun ar apasa, “Ataela, ataela, aturätiu tori longolongun fan.”

⁸ En Papilon kopwe tala. Epwe pwapwa ätewe mi ngonuk chappen om föför ngenikem.

⁹ Epwe pwapwa ätewe mi angei noum kewe semirit o monerela ngeni eu achau.