Kölfel 133 - Chuukese Bible

Feiöchün än pwipwi tipeeufengen 133.1-3

Echö kölün feitä.

¹ Nengeni usun mürinan me apwapwan, lupwen pwipwi ra nonomfengen fän tipeeu.

² Ei sokun a usun chök löön kepit mi aüchea a nitiu won möküren Aaron o suputiu won alüsan, a pwal suputiu won kalan üfan.

³ A pwal usun chök amurenipwinin ewe chuk Hermon, a püngütiu won ekewe chukun Sion. Pun ikenan ewe Samol mi Lapalap a anomu an feiöch, ewe manau esemüch.