Kölfel 131 - Chuukese Bible

Ach kinamwe lon Kot 131.1-3

Echö kölün feitä än Tafit.

¹ Ai Samol mi Lapalap, üsap tipetekia lon lelukei, mesei esap wolamalamtekia. Üsap aosukosukaei ren mettoch mi kon tekia me amwarar ngeniei.

² Nge üa amosonosonaei o akinamweeila, usun eman semirit a mosonosonola lepöün inan, lupwen a wes seni oupun. Lelukei a mosonosonola usun eman semirit mi wes seni oupun inan.

³ Ämi chon Israel, oupwe apilükülükü ewe Samol mi Lapalap seni ei fansoun tori feilfeilachök.