Kölfel 127 - Chuukese Bible

Feiöch a feito seni Kot 127.1-5

Echö kölün feitä än Salomon.

¹ Are ewe Samol mi Lapalap esap aüetä ewe imw, a solap än ekewe chon aüetä angang. Are ewe Samol mi Lapalap esap mamasa ewe telinimw, a solap än ekewe chon mas nenela le mamas.

² A solap ämi pwätäkai pwal ämi annutumang, pwe oupwe angang weires fän iten enemi mongö. Pun Kot a fang ngeni nöün kewe a echeniir mettoch meinisin mine ra osupwang ren, lupwen ra annut.

³ Nau eu lifang seni ewe Samol mi Lapalap, ir eu liwin mi öch.

⁴ Ekewe ät eman a nöüni lupwen an alüal ra usun chök ekewe föün esefich lepöün eman sounfiu.

⁵ A feiöch ewe mwän mi ur an lenien föün esefich ren ei sokun föün. Ätewe esap säw, lupwen epwe kapas ngeni chon oputan lon lenien kapwüng.