Kölfel 121 - Chuukese Bible

Kot om chon tümwün 121.1-8

Echö kölün feitä.

¹ Üa anetai mesei ngeni ekewe chuk. Ia alilisi epwe feito me ie?

² Alilisi epwe war me ren ewe Samol mi Lapalap mi förätä läng me fanüfan.

³ I epwe amwöchuk pwe kosap mit, ewe mi tümwünuk esap aiesum.

⁴ Nengeni, ewe mi tümwünü Israel esap aiesum, esap pwal möür.

⁵ Ewe Samol mi Lapalap epwe tümwünuk, i epwe annüruk o nom pelifichum.

⁶ Akkar esap afeiengauok lerän, nge maram esap afeiengauok lepwin.

⁷ Ewe Samol mi Lapalap epwe tümwünuk seni feiengau meinisin, i epwe tümwünü manauom.

⁸ Ewe Samol mi Lapalap epwe tümwünü om towu me om tolong seni ikenai tori feilfeilachök.