Kölfel 100 - Chuukese Bible

Sipwe kilisou ngeni Kot 100.1-5

Echö köl fän iten asoren kilisou.

¹ Oupwe eäni eu mweireiren pwapwa ngeni ewe Samol mi Lapalap, ämi chon fanüfan meinisin.

² Oupwe angang ngeni ewe Samol mi Lapalap fän pwapwa, oupwe feito fän mesan ren kölün pwapwa.

³ Oupwe silei pwe ewe Samol mi Lapalap i Kot. I ewe a förikich, nge kich sa nöün. Sa nöün aramas me nöün sip lon an we mälämäl.

⁴ Oupwe tolong lon asamen imwan fän kilisou, oupwe tolong lon rumwen imwan kewe fän kölün mwareiti i. Oupwe kilisou ngeni o mwareiti itan.

⁵ Pun ewe Samol mi Lapalap a kirikiröch, an tong ellet a nonom tori feilfeilachök, nge an allükülük a tori ekewe täppin aramas meinisin.