Hiop 26 - Chuukese Bible

Hiop a pwärätä usun än Kot manaman 26.1-14

¹ Mürin, Hiop a pälüeni Piltat,

² “Ka fokun alisi ätewe esap wor manan. Ka fokun apöchöküla ätewe esap wor an pöchökül.

³ Ka fokun öüröüraei ngang ätewe esap wor ai tipachem o achomongala ngeniei ekewe kapasen silelap.

⁴ Iö a alisuk pwe kopwe eäni ekei kapas, ngünün iö ka ngününi?

⁵ Ngünün ekewe mi mäla ra chechech me lon ekewe koluk mi nom fän pwül.

⁶ Ewe lenien sotup a pwäla me fän mesen Kot, ewe leni mi alolol esap wor pwölüpwölün.

⁷ Kot a ameresala ewe längin efeng ia esap wor och ie, o emeitiuätä fanüfan won eu leni mi pön.

⁸ A achufengeni ekewe koluk lon an kewe kuchuchol, nge ekewe kuchu resap sangfesen ren chour.

⁹ A pwölüela ewe maram, lupwen a unus, ren an ameresala an kewe kuchu won.

¹⁰ A föri eu kukumos won ekewe koluk, pun epwe wor eu kiä lefilen saram me rochopwak.

¹¹ Ekewe üren läng ra chechech, ra mairü ren an kapasen apwüng.

¹² A anonoi ewe matau ren an manaman o atatakisi Rahap ren an tipachem.

¹³ Ekewe läng ra kurufat ren an ngasangas, pöün a posuw ewe serepenit mi süla.

¹⁴ Nengeni, ekei lapalap ra chök eu kükün kinikinin an kewe föför. A chök eu kükün ngüngü mine sia rongorong seni Kot. Nge iö a tongeni weweiti pöchökülen an manaman?”