Hiop 25 - Chuukese Bible

Piltat a amam pwe aramas resap tongeni pwüng fän mesen Kot 25.1-6

¹ Mürin, Piltat ewe re Shu a apasa,

² “Nemenem me niuokus ra nom ren Kot, i a awora kinamwe lon an we läng mi tekia.

³ Ifa usun, eman a tongeni aleani iteiten nöün kewe chon läng? Ifa usun, iön aramas än Kot saram esap tin won?

⁴ Ifa usun än eman aramas epwe tongeni küna pwüng fän mesen Kot? Ifa usun, eman mi uputiu seni eman fefin a tongeni limöch?

⁵ Nengeni, pwal ewe maram esap saram, nge ekewe fü resap limöch me fän mesan.

⁶ Nge eman aramas a kon kis seni, pun i eman möttö, nöün aramas a eman moso chök.”