Zabuli 87 - Ilagano Linyale kwa Wanhu Weng'ha na Ilagano lya Katali kuli Chividunda

Lutogo lwa Yelusalemu

(Zabuli ya Wakola. Lwimbo.)

¹ Nguluwi nakazenga muji wa heye mchanya mwa chidunda cha heye chelile.

² Mkulu Nguluwi kanguugana muji wa Siyoni, kusinda kaye kuyage kwa Yakobo.

³ Mbuli ng'hulu zangulonjigwa kwa chiwalo cha hegwe, gwa muji wa Nguluwi.

⁴ “Hali wala walingunzela, wa baho wanhu wa Misili na Babuloni, hihyo du wanhu wa Filistiya na Tilo na Kushi, weng'ha wolonga, ‘Ayu nakapondigwa ako Siyoni.’ ”

⁵ Kuwala Siyoni yolonjigwa ahi, “Siyoni ndo mamo wa wala weng'ha, Nguluwi Yawele Kuchanya koutawiza.”

⁶ Mkulu Nguluwi kokwandika kuli chitabu, hoyowika kukumbuchila kwa wanhu. “Ayu nakapondigwa ako Siyoni.”

⁷ Weng'ha wanguvina ngoma na kwimba, “Nzasa za heni zeng'ha za kwa hegwe.”