Zabuli 82 - Ilagano Linyale kwa Wanhu Weng'ha na Ilagano lya Katali kuli Chividunda

Nguluwi chilongozi mkulu

(Zabuli ya Asafu.)

¹ Nguluwi kangwimilila chitala chikulu, kangulavya utaguso kuli nhing'hano ya milungu,

² “Mbaka hanili molutilila kutagusa ne hachi na kuwaganilila wanhu wehile?

³ Muwape ng'hochele na walekwa hachi za hewo, mwamile hachi za walingubunzwa na wazunwa.

⁴ Muwalohole ng'hochele na wazunwa, muwalohole kulawa kuli ndole za wehile.

⁵ “Ila milungu ndo mipoka na hajivizelele. Hewo wangujenda kuli jiza lya kwajilila, misisi jeng'ha ja hachi kuli isi najitigaswa.

⁶ Heni nandonga, ‘Hemwe mwa milungu, mweng'ha mwa wana wa Nguluwi Yawele Kuchanya.

⁷ Ila mobagama kota wanhu wanji, mogwa kota mkulu yoneche.’ ”

⁸ Gwa Nguluwi winuche, uzitaguse isi zeng'ha, kwa vila wanhu wa isi zeng'ha ndo wa hegwe.