Zabuli 3 - Ilagano Linyale kwa Wanhu Weng'ha na Ilagano lya Katali kuli Chividunda

Kulanda utanzi

(Zabuli ya Daudi loyambilime Abusalomu, mwanage.)

¹ Mkulu Nguluwi, wang'honyo wa heni nawonjezeka! Walingunhowa ndo wenji.

² Ndo wenji walingulonga, “Nguluwi homlohola.”

³ Ila hegwe Mkulu Nguluwi, kwa ngawo ya heni banzi zeng'ha, kwa hegwe ndanguwa na lutogo na kusumya.

⁴ Kwa lizi lya heni ndangumchema Mkulu Nguluwi naye kangwidichila kulawa kuli chidunda cha heye chelile.

⁵ Ndanguwasa na kuwa na usinjizi, ndangwinuka kahi kwa vila hegwe, gwa Mkulu Nguluwi kwangunyimiza.

⁶ Hambe ndumbe wanhu elufu na maelufu, hanga wangunhowa banzi zeng'ha.

⁷ Mkulu Nguluwi winuche! Nguluwi wa heni undohole! Uwatowe wang'honyo wa heni weng'ha kwa mizeje ja milomo ja hewo, ubene mizino ja wehile.

⁸ Kwa vila ulohozi ndo wa Mkulu Nguluwi. Utambichizo wa hegwe uwe mchanya mwa wanhu wa hegwe.