Zabuli 121 - Ilagano Linyale kwa Wanhu Weng'ha na Ilagano lya Katali kuli Chividunda

Nguluwi kangutwamila

(Lwimbo lwa kuluta kuchanya.)

¹ Ndangulola kuchanya kuli vidunda, utanzi wa heni wolawa kohi?

² Utanzi wa heni wangulawa kwa Mkulu Nguluwi, yalumbile ulanga na isi.

³ Hokuleka ugwe, mwamizi wa hegwe hambe yasinzile.

⁴ Ena, mwamizi wa Isilaeli, hambe yasinzile ne kuwasa.

⁵ Mkulu Nguluwi ndo mwamizi wa hegwe, ka ubanzi wa hegwe wa kudilo kota lubehelo kukwamila.

⁶ Nemisi isanya haliweza kukulumiza, ne nyelezi mhela wa nechilo.

⁷ Mkulu Nguluwi kokwamila na lihile lyoneche, kowamila goya ukomu wa hegwe.

⁸ Mkulu Nguluwi kokwamila kuli mbuli za hegwe za chila zuwa, kulawa sambi mbaka mazuwa gose.