Zabuli 12 - Ilagano Linyale kwa Wanhu Weng'ha na Ilagano lya Katali kuli Chividunda

Kulanda utanzi

(Kwa yalingwaluchiza kwimba. Kwimba kwa Sheminiti. Zabuli ya Daudi.)

¹ Ututanze, gwa Mkulu Nguluwi. Wanhu wanojile nawamala, wakukundigwa nawajilila hali wanhu.

² Chila yumwe kangumdetelezaga myage, wangulongaga kwa kudeta na kwa nhumbula ya udesi.

³ Gwa Mkulu Nguluwi, uzidumule azo myango za uhadi, na ajo milomo jilingidaya lukami.

⁴ Hewo wangulongaga, “Kwa myango za hetwe tosumya, milomo ja hetwe jina ludali, mkulu wa hetwe ndo whaani?”

⁵ Ila Mkulu Nguluwi kangulonga, “Kwa vila wazunwa wangubunzwa, walingugana wangulila kwa usungu, lelo ndanguya, nani ndowegalila kikala goya konakwali wokubeteza.”

⁶ Ulonzi wa Mkulu Nguluwi ndo kukomya, ndo welile kota zahabu yelizwe kuli itanulu, ena, kota zahabu yelizwe mala saba.

⁷ Kotwamila, gwa Mkulu Nguluwi, kotuwika kutali mazuwa gose na lulelo alu lwihile.

⁸ Wehile wanguzunguluta chila honhu, kwajilila kwangutogoligwa hali wanhu.