Zabuli 1 - Ilagano Linyale kwa Wanhu Weng'ha na Ilagano lya Katali kuli Chividunda

Chitabu cha Mwaluko ( Zabuli 1-41 ) Nzila mbili

¹ Nakatambichizwa yula munhu, yohambe yalute kuli chitala cha wehile, halinguwinza nzila za wawele na gehile, ne kikalisa hamwe na walinguliga.

² Ila kangunojezwa na ilajizo lya Mkulu Nguluwi, kangijesaga ilajizo lya heye nemisi na nechilo.

³ Naye kanguwa kota igodi litopekwe hafungo ha nzanda za mazi, lilingulela mafuza gake kwa mihela jake ne ihamba lyake halilinguswinha. Chila choyalingudita changulutilila goya.

⁴ Haiwele kota vyowawele wehile, hewo ndo kota mhumba ilinguwembeluka kwa mbeho.

⁵ Lelo wehile hambe weme nzinzili kuli utaguso, ne wawele na gehile hali nhing'hano ya watanganiche.

⁶ Kwa vila Mkulu Nguluwi kanguizela nzila ya watanganiche, ila nzila ya wehile yokwajilila.