Numbas 33 - Chahta Holisso Holitopa 1886

¹ Islael im ʋlla ʋhleha Echip yakni ya̱ okla moma kʋt Moses micha Alon ita tuklo kʋt pehliechi ho̱ kohchʋt itʋnowʋt a̱ya tuk ʋt ilʋppa puta kak atok.

² Mihma Chihowah yʋt im apesa mak o̱, Moses ʋt kohchʋt nowʋt itʋnowa tok a̱ holissochi tok: yohmi kʋt ilʋppa puta kak osh kohchʋt itʋnowa kʋt ai itʋnowa tok mak oke.

³ Mihmʋt hʋshi ʋmmona, micha hʋshi ʋmmona kʋt nitak ont ishit auahtahlapi ma, Lameses a̱ asht ia tok; ʋbanʋblit ont ia yatuk a̱ onna ma, Islael im ʋlla ʋhleha hʋt Echip okla moma kʋt pi̱sa ho̱ ibbak kʋllo hosh kohchʋt ia tok.

⁴ Echip okla hʋt im ʋlla ʋttahpi moma, Chihowah yʋt issot i̱ kanchi na hohpit tahli tuk atuk okʋt: micha Chihowah yʋt i̱ naholbʋt toba puta kak kia napalʋmmi onochi tok.

⁵ Mihma Islael im ʋlla ʋhleha hʋt Lameses a̱ kanʋlli mʋt Sukkolh a̱ abinachi tok.

⁶ Atuk osh Sukkolh a̱ kanʋlli mʋt, Ehlam, yʋmmʋt yakni haiaka ʋhli talaia ka̱ abinachi tok.

⁷ Atuk osh Ehlam a̱ kanʋlli mʋt fullotʋt anonti Pi‐hahilolh, yʋmmʋt Baal‐sefon itikba talaia ka̱ ona tok, micha Miktol itikba yak o̱ binachi tok.

⁸ Atuk osh Pi‐hahilolh itikba asht ia mʋt okhʋta iklʋnna hlopulli cha yakni haiaka pit chukowʋt Ehlam yakni haiaka nitak tuchina a nowa yo̱ ona tok, micha Malah ya̱ binachi tok.

⁹ Atuk osh Malah ya̱ kanʋlli mʋt Elim a̱ ona tok, mihma Elim a̱ kʋli auahtuklo kʋt hiohmaya tok, mihma pam iti pokoli untuklo kʋt hinli tok, mihma yʋmmak o̱ binachi tok.

¹⁰ Atuk osh Elim a̱ asht kanʋlli mʋt okhʋta Homma bili̱ka binachi tok.

¹¹ Atuk osh okhʋta Homma ya̱ asht kanʋlli mʋt Sin yakni haiaka ya̱ binachi tok.

¹² Atuk osh yakni haiaka Sin a̱ asht ia mʋt Tofkah ya̱ binachi tok.

¹³ Atuk osh Tofkah ya̱ asht ia mʋt, Alush a̱ binachi tok.

¹⁴ Atuk osh Alush a̱ asht ia mʋt, Lefitim, yʋmma okla oka ishka hi ʋt iksho ho̱ binachi tok.

¹⁵ Atuk osh Lefitim a̱ asht ia mʋt, yakni haiaka Sinai ya̱ binachi tok.

¹⁶ Atuk osh yakni haiaka Sinai ya̱ asht ia mʋt, Kiblolh‐hattaafah ya̱ binachi tok.

¹⁷ Atuk osh Kiblolh‐hattaafah ya̱ asht ia mʋt, Haselolh a̱ binachi tok.

¹⁸ Atuk osh Haselolh a̱ asht ia mʋt, Lilhmah ya̱ binachi tok.

¹⁹ Atuk osh Lilhmah ya̱ asht ia mʋt, Limmon‐pales a̱ binachi tok.

²⁰ Atuk osh Limmon‐pales a̱ asht ia mʋt, Libnah ya̱ binachi tok.

²¹ Atuk osh Libnah ya̱ asht ia mʋt, Lissah ya̱ binachi tok.

²² Atuk osh Lissah ya̱ asht ia mʋt, Kehelalhah ya̱ binachi tok.

²³ Atuk osh Kehelalhah ya̱ asht ia mʋt, Shafa nʋnih ha̱ binachi tok.

²⁴ Atuk osh Shafa nʋnih ha̱ asht ia mʋt, Halatah ya̱ binachi tok.

²⁵ Atuk osh Halatah ya̱ asht ia mʋt, Makhelolh a̱ binachi tok.

²⁶ Atuk osh Makhelolh a̱ asht ia mʋt, Tahalh a̱ binachi tok.

²⁷ Atuk osh Tahalh a̱ asht ia mʋt, Talah ya̱ binachi tok.

²⁸ Atuk osh Talah ya̱ asht ia mʋt, Milhkah ya̱ binachi tok.

²⁹ Atuk osh Milhkah ya̱ asht iʋt, Hashmonah ya̱ binachi tok.

³⁰ Atuk osh Hashmonah asht iʋt, Moselolh a̱ binachi tok.

³¹ Atuk osh Moselolh a̱ asht iʋt, Bene‐chaakan a̱ binachi tok.

³² Atuk osh Bene‐chaakan a̱ asht iʋt, Hol‐hakitkat a̱ binachi tok.

³³ Atuk osh Hol‐hakitkat a̱ asht iʋt, Chotbahlah ya̱ binachi tok.

³⁴ Atuk osh Chotbahlah ya̱ asht iʋt, Eblonah ha̱ binachi tok.

³⁵ Atuk osh Eblonah ha̱ asht iʋt, Esion‐kaba ya̱ binachi tok.

³⁶ Atuk osh Esion‐kaba ya̱ asht iʋt, Sin yakni haiaka, yʋmmʋt Katesh a̱ binachi tok.

³⁷ Atuk osh Katesh a̱ asht kanʋlli mʋt, Ho nʋnih Etom yakni ʋhli ya̱ binachi tok.

³⁸ Mihma naholitompa isht ʋtta Alon ʋt Ho nʋnih ha̱ Chihowah yʋt im apesa ho̱ oiya tok, Islael im ʋlla ʋhleha hʋt Echip yakni ya̱ kohcha tuk a̱ afʋmmi pokoli ushta ho̱ hʋshi ont ishit tahlapi nitak ʋmmona ma yʋmmak o̱, ai illi tok.

³⁹ Mihma Alon ʋt afʋmmi tahlepa achʋfa cha pokoli tuklo akucha tuchina hosh Ho nʋnih ha̱ ai illi tok.

⁴⁰ Atuk o̱ mi̱ko Alat Kenaanait, Kenaan yakni oka mahli pilla ahanta kʋt, Islael im ʋlla ʋhleha hʋt minti ka̱ pit haklo tok.

⁴¹ Atuk o̱ Ho nʋnih ha̱ asht iʋt, Salmonah ha̱ binachi tok.

⁴² Atuk osh Salmonah ha̱ asht iʋt, Punon a̱ binachi tok.

⁴³ Atuk osh Punon a̱ asht iʋt, Obolh a̱ binachi tok.

⁴⁴ Atuk osh Obolh a̱ asht iʋt, Iche‐abalim Moab im ai ʋhli ka̱ binachi tok.

⁴⁵ Atuk osh Iim a̱ asht iʋt, Tibon‐kat a̱ binachi tok.

⁴⁶ Atuk osh Tibon‐kat a̱ asht iʋt, Almon‐tiblahlaim a̱ binachi tok.

⁴⁷ Atuk osh Almon‐tiblahlaim a̱ asht kanʋlli mʋt, Nebo itikba Abalim nʋnih chaha foka yak o̱ binachi tok.

⁴⁸ Atuk osh Abalim nʋnih foka ya̱ asht ia mʋt, Chatan a̱ Cheliko bili̱ka Moab yakni matali ak o̱ binachi tok.

⁴⁹ Atuk osh Chatan bili̱ka Belh‐chesimolh a̱ ashʋt ia mʋt, Moab yakni matali Abel‐shittim a̱ abinachi tok.

⁵⁰ Atuk o̱ Chihowah yʋt Moses a̱ Moab yakni matali Chatan bili̱ka micha Cheliko bili̱ka ya̱ ai im anumpulit,

⁵¹ Islael im ʋlla ʋhleha im anumpulit, Chatan a̱ hlopullit Kenaan yakni ya̱ ont hʋsh chukowakmʋt,

⁵² Yohmikmʋt yakni yash okla aiasha tuk a̱ hʋchi tikba atihlelit hʋsh kohchashke, micha i̱ naholbʋt toba puta moma ka̱ okpʋnit, bilʋt akmot naholbʋt toba puta ka̱ okpʋnit hʋsh tahlashke, micha im achahaka puta akʋchit hʋsh ʋmohmichashke.

⁵³ Micha okla aiasha tuk a̱ yakni hʋsh im ishi cha hʋsh aiasha chi̱ hoke, yakni ya̱ hʋsh isha chi̱ ho̱ hʋchima li hatuk oka.

⁵⁴ Micha yakni ya̱ nashoeli hosh i̱ yakni ya chi̱ ho̱ hʋchin chuka achʋfa ʋlhpi̱sa ho̱ hʋsh im ita kʋsho lashke: micha laua i̱ shahlikma yakni ya̱ i̱ shahlechit hʋsh imashke, micha iklauokma yakni ʋt iklauo ho̱ hʋsh imashke; hatak i̱ yakni aiyukali kʋt kanima itulakma yʋmmak o̱ i̱ yakni ya chi̱ hoke; hʋch i̱ki ʋhleha apehlichi ʋlhpi̱sa ho̱ yakni ya̱ hʋsh isha chi̱ hoke.

⁵⁵ Amba yakni yash okla aiasha tuk a̱ hʋchi tikba hʋchik kocha wehlo tuk ma; atukma yakohma hi oke, hʋsh ashanchi tuk ʋt nahalupa yosh hʋchi nishkin a̱ shamʋlli ya hi oke, micha kʋti chohmit hʋchi naksi ya̱ shimowoa ya̱ yakni ya̱ hʋsh aiasha ka̱ hʋchilbʋshala hi oke.

⁵⁶ Micha yakohma hi oke, yʋmma i̱ yʋmihchi la he aiahni li tuk ʋt, hʋchishno ya̱ hʋchi̱ yʋmihchi la hi oke, ish im achashke, im achi tok.