Nan Otʋni 11 - Chahta Holisso Holitopa 1886

Ʋlhtokowa anoli tuklo hosh nan anoho̱nli, 1; 5 ik umbo ka chi̱ ka ʋba shutik akamala hi ʋt im ʋlhpisa; 7 nampoa nukshopa yʋt i sanalit ltihi̱bit yʋmmak ash ʋbi; 8 ik hollopo hosh ka̱ha na, 4 nitak ont atuchina cha iklʋnnʋt aiena ma tanit okla; 15 isht pu̱fa isht untuklo kashot oia.

¹ Yʋmohmi ma ku̱shak osh fuli yo̱ holba ho̱ ʋma tok; mihmʋt, Wakaya cha, Chihowa in tempel, micha alta, mikmʋt kʋna hosh yʋmma ai ashʋt aiokpahanchi ʋhleha aiena ma ish apesashke.

² Yohmi kia apishia, yʋmmʋt tempel a̱ ai ibachʋfa keyu hoka, yʋmmak okʋno Chentail okla ho̱ immi hoka, chik apeso kashke; yohmi ka hʋshi pokoli ushta cha tuklot aiena ka tʋmaha chito holitopa ya̱ iyi pʋtha okla isht a hʋhlihincha chi̱ hoke.

³ Mikma nan isht ai a̱hli ka nana ʋm atokowa ishi tuklo ka ima la chi̱; mikma mihi yosh pa̱shi tʋnna na fohka yo̱ foyuka hosh nitak tahlepa sipokni achʋfa cha, tahlepa tuklo pokoli hannali aiena ka nana ka tikbanli otʋnihincha chi̱ hoke.

⁴ Ilʋppak osh Alif iti tuklo, mikmʋt pʋla ai o̱ hikia tuklo aiena kʋt yakni pakna in Chihowa itikba hieli mak oke.

⁵ Yohmi ka hatak nana hosh ilʋppa ilbʋshali hokma, ilʋppak ash itakha ya̱ luak osh a kohcha hosh in tʋnʋp puta hatuk ma isht ʋpa hoke; yohmi ka hatak nana hosh yʋmma ilbʋshali hokmʋt, nana ai yakohmi mak o̱ illashke.

⁶ Ilʋppak ash osh nan ai atokowa anohonli kʋt isht ahanta ta̱kla nitak a̱ ik umbo ka chi̱ ka, ʋba shutik a̱ okshita hi ʋt ilʋppak osh ai im ʋlhpesa mak oke; mikmʋt oka puta ma imaiyʋt yʋmmak ash o̱ issish o̱ ikba hi ʋt ai im ʋlhpesa; mikmʋt yʋmmʋt nana ka ik yohmi ahni hokmʋt, na palʋmmi puta ma yakni ya̱ isht ihi̱ssa hinla hoke.

⁷ Yohmi tok kia ilʋppak ash ot nana atokowa ishi kash ot ont taiyahli tuk mak o̱, nampoa nukshopa chiluk hofobi ont ai ʋhli iksho a kohcha mak osh in tanampit, yʋmmak ash imaiyachit ʋba hi oke.

⁸ Mihma tʋmaha chito yʋmmak o̱ hʋpin Chitokaka yak kia ititaiyukhʋna a honahla tok, nan isht it apesa kʋt Sotom, micha Echip achi ka hina yʋmma illi haknip ʋt a ka̱ha chi hoke.

⁹ Mikma okla ilaiyuka im anumpa ilaiyuka, oklushi puta mʋt nitak tuchina cha iklʋnna aiena ka, illi haknip ash pihi̱sa kia, ahollopi ya̱ ik a hollopí, okla ik ai ahno ka hi oke.

¹⁰ Yʋmohmikma yakni paknaka ai asha tok puta ka hopaii tuklo ilʋppak ash osh i̱ palʋmmihinchi tuk oka, yakni paknaka ai asha ak inli kʋt nan isht il im ai yukpʋt, na yukpa ikbit ma̱yakmʋt, ilap bi̱ka nana iti habenʋchit ai asha hi oke.

¹¹ Yohmi na nitak tuchina cha iklʋnna aienakma shilombish okcha̱ya Chihowa ak o̱ a minti hosh yʋmmak ash chukowa ma, yʋmmak ash ot ilap iyi yosh isht o̱ hinli tok: mihma ilʋppa pi̱sa puta tok okʋno na nukshopa chinto kʋt onʋtuyula tok.

¹² Yohmi ma ʋba aholitopa a minti anumpa chito ka haklot okla ma, Oiyʋt ho mintí, auet im aha̱ya tok. Mihma ʋba aholitopa ya̱ ia kʋt hoshonti anu̱kaka ma̱ha̱ya ma, in tʋnʋp puta tuk ʋt pihi̱sa tok.

¹³ Mihma hʋshi kanʋlli yʋmmak inli ho̱ yakni ʋt winakʋchi chito tok; mihma tʋmaha chito kashapa ont isht pokoli kʋt kinafa tok; yohmi ma hatak tahlepa sipokni untuklo hosh yakni winakʋchi ka ai illi tok; mihma hlako̱fi tok okʋto nukhlakancha mʋt, ʋba aholitopa in Chihowa ya̱ holitoblichi tok, achi tok.

¹⁴ Na palʋmmi atukla kash ot ant a yohmi ka, anonti yakeh! na palʋmmi atuchina kash ot chekosikma minta chi̱ hoke.

¹⁵ Atuk o̱ enchil isht untuklo kash ot olachi tok: mihma anumpa ola chinto kʋt ʋba aholitopa ya̱ auet takali kʋt, Yakni ilʋppa apehlichika puta kʋt hʋpin Chitokaka, mikmʋt Ushi Klaist ita tuklo im apehlichika yo̱ tobʋshke; yohmi hatuk o̱ mihi yosh mi̱kot ahanta na biliʋt bilia hi oke.

¹⁶ Yohmi ma hatak tikba pokoli tuklo akucha ushta, yʋmmʋt Chihowa itikba ya̱ ilap im ai o̱ binili o̱ binohlit ma̱ya kash osh aka hlipkʋchi cha, Chihowa ha̱ aiokpahanchi mʋt,

¹⁷ Chitokaka Chihowa nana moma imaiya ma! okcha̱yʋt ahanta tok osh, okcha̱yʋt ahanta, anonti himak a pilla ma okcha̱yʋt ahanta he chia, yohmi kʋt chishno nan isht chim ai a̱hli chinto ma il ai i̱shit, mi̱kot ish ahanta hoka, yak oke e chim ai ahnishke, ahanchi tok.

¹⁸ Yohmi ka oklushi puta chu̱kʋsh ʋt nukhobela tok: mikma nan isht ish i̱ nukkilli yʋt ʋlʋshke: mikma illi puta kʋt nan im ai ʋlhpisa chi̱, mikmʋt chin tishu hopaii ʋhleha, mikmʋt ʋbanumpuli a̱hli puta, mikmʋt kʋna hosh chi hohchifo ha̱ i̱ nukshohompa aiena hokʋno nan isht ʋlhtoba ma ish ai ima chi̱, mikmʋt kʋna hosh yakni ya̱ okpʋni hokma, yʋmma ish ai okpʋna chi̱ nitak ʋt ʋlʋshke.

¹⁹ Yohmi ma Chihowa in tempel ʋt ʋba aholitopa ya̱ a tiwa tok; mihma in tempel anu̱kaka ya̱ nan it im ʋlhpisa itombi holitopa kʋt otʋni tok; mihma malʋlha, anumpa ola, hiloha, micha yakni winakʋchi, mihmʋt hata̱fo chito aiena kʋt a takali tok.