Loman 5 - Chahta Holisso Holitopa 1886

¹ Yʋmohmi ka na yimmi pulla yak o̱ isht a pi ai ʋlhpiesa hatuk osh, pin Chitokaka Chisʋs Klaist ak atuk pulla mak o̱ Chihowa ya̱ il it i̱ nanaiya hoke.

² Yʋmmak atuk pulla mak o̱ isht i̱ kana il a hieli ilʋppa na yimmi pulla kak osh e chukowa cha, Chihowa isht a holitopa ya̱ il isha he ahnit, pi yuhu̱kpʋshke.

³ Micha yʋmmak illa keyu, amba na palʋmmi puta ak atuk mak o̱ pi yuhu̱kpa ak inlishke; na palʋmmi yak osh nuktaiyalʋt achunanchi ikbi hoka, il ithana hoke:

⁴ Mikmʋt nuktaiyalʋt achunanchi yak osh Chihowa immi ai a atokowa isht ai il ithana ikbi hoke; micha Chihowa immi ai atokowa isht ai il ithana yak osh ai okcha̱ya pisa he ahni ikbi hoke:

⁵ Micha ai okcha̱ya pisa he ahni yʋt hofahyali keyu; Shilombish Holitopa yʋt pi anukfo̱ka hatuk osh Chihowa isht i̱ hullo ya̱ lauachit pi chu̱kʋsh anu̱kaka ya̱ pit fohobli hoka.

⁶ Yohmi ka hlampko ik pim iksho moma kak o̱ ont ai ʋlhpiesa ma, Chisʋs ʋt Chihowa ik holitoblo ya̱ ʋlhtobʋt illi tok.

⁷ Yohmi ka hatak ʋlhpesa yak ok mak o̱ kanima kʋt ʋlhtobʋt illa he keyu chiyuhmi; amba hatak achukma yokʋno kaniohmi kʋt ʋlhtobʋt illi kʋt ik nukwiyo ka hinla chishke.

⁸ Amba Chihowa hokʋto isht pi̱ hullo otʋninchi kʋt, nan ashʋchi pia moma kash o̱, Chisʋs Klaist ʋt pi ʋlhtobʋt illi kak a tok.

⁹ Yohmi ka himonasi hokʋno im issish ak o̱ isht a pi ʋlhpiesa hokʋt, yʋmmak atuk pulla kak o̱ isht i̱ shahli fehnʋt na palʋmmi mihinti ka il i̱ hlakofa hinla hoke.

¹⁰ Yohmi ka in tʋnʋp pia moma kash ot, Ushi yʋt illi tok pulla kak o̱ Chihowa ya̱ isht a il it i̱ nanaiya hatuk okmʋt, il it i̱ nanaiya ha yokʋt, ilap okcha̱ya pulla kak o̱ isht i̱ shahli fehnʋt isht a pi okcha̱ya hinla hoke.

¹¹ Micha yʋmmak illa keyu, amba pin Chitokaka Chisʋs Klaist ak atuk pulla kak o̱ Chihowa ya̱ isht a pi yuhu̱kpa fehna cha, yʋmmak atuk pulla kak o̱ himonasi kʋno isht il it i̱ kana hoke.

¹² Yʋmohmi ka hatak achʋfa nan ashʋchi achʋfa pulla ho̱ ai ashʋchika yokʋt yakni paknaka yoka chukowa tok; micha ai ashʋchika yak atuk pulla mak o̱ nan illi yʋt yakni paknaka yoka onʋtuyula tok; yohmi hatuk o̱ nan illi yʋt hatak moyuma ka onʋtuyula tok, moyuma kʋt ashahanchi hatuk oka.

¹³ Yohmi ka ʋba nan ʋlhpisa yʋt ik holisso ki̱sha ho̱ ai ashʋchika yʋt yakni paknaka ya̱ a takali tok: amba nan ʋlhpisa yʋt iksho hokʋno ai ashʋchika yʋt onʋtuyula he keyu hoke.

¹⁴ Yohmi kia Alʋm ai ahantʋt Moses ai ahanta ant ai ʋhli Alʋm nan ashahanchi tok a̱ chohmi keyu moyuma kak kia nan illi yokʋt i̱ shaiyahli tok; yʋmmak ash ot ʋla hi atok yʋmma isht ʋlhpisa hoke.

¹⁵ Amba nan ai ashʋchika yash o̱ na hʋlbina yʋto ik chiyuhmo hoke. Yohmi ka achʋfa hosh nan ashʋchi kak o̱ moyuma kʋt illi hokma, Chihowa hʋt isht i̱ kana, micha isht i̱ kana yak o̱ isht a hʋlbina yʋt isht i̱ shahli fehnʋt, Chisʋs Klaist, hatak achʋfa, yʋmmak atuk pulla kak o̱ moyuma ka in laua hoke.

¹⁶ Micha achʋfa nan ai ashʋchi tok ash o̱ na hʋlbina yokʋto chiyuhmi keyu hoke: yohmi ka ai ashʋchika achʋfa nan im ʋlhpisa kʋt isht ai i̱ palʋmmi yatok, amba pilla na hʋlbina yak okʋto ai ashʋchika la̱wa isht a kashofʋt isht ai ʋlhpiesa yoke.

¹⁷ Hatak achʋfa kash im ai ashʋchika yak o̱ nan illi yʋt hatak achʋfa kash pulla kak o̱ isht i̱ shaiyahli hatok okma; isht i̱ kana la̱wa, micha nan isht ai ʋihpiesa hʋlbina la̱wa ka ihi̱shi hokak heto isht i̱ shahli fehnʋt, hatak achʋfa, Chisʋs Klaist ak atuk pulla mak o̱ ai okcha̱ya ya̱ a mi̱kot aiasha hi oke.

¹⁸ Yʋmohmi ka achʋfa nan ashʋchi kash pulla kak o̱ isht ai i̱ palʋmmi yʋt hatak moma kʋt isht im ʋlhpisa tok ash inli chiyuhmit, achʋfa i̱ nan isht ai ʋlhpiesa yak pulla kak o̱ pilla na hʋlbina ai ashʋchika i̱ kashofʋt isht ai ʋlhpiesʋt okcha̱ya hi ʋt hatak moyuma ka im a̱ya hatok.

¹⁹ Hatak achʋfa kash osh ik im antio pulla kak o̱ moma kʋt nan ai ashʋchi ʋhleha toba tok ash inli chiyuhmit, achʋfa kash osh im antia pulla kak o̱ la̱wa kʋt ai ʋlhpiesa toba hi oke.

²⁰ Anonti ai ashʋchika yʋt la̱wa chi̱ mak o̱, ʋba nanʋlhpisa yʋt a̱ya tok: yohmi kia ai ashʋchika yʋt la̱wa ma, isht i̱ kana yʋt isht i̱ shahli fehnʋt la̱wa tok.

²¹ Yohmi ka ai ashʋchika yʋt imaiyʋt illihinchi tok ash inli chiyuhmit, isht i̱ kana isht ai ʋlhpiesa pulla kak osh isht i̱ shahlit pin Chitokaka Chisʋs Klaist atuk pulla mak o̱, isht okchalinchi bilia hi atok.