Choshua 21 - Chahta Holisso Holitopa 1886

¹ Yʋmohmi ma Lefai ai unchololi i̱ki ʋhleha i̱ noshkoboka ʋhleha hʋt naholitompa isht ʋtta Eleasa, micha Nun ushi Choshua, micha Islael im ʋlla ʋhleha i̱ki ʋhleha i̱ noshkoboka puta aiena ka im ona tok.

² Micha Shiloh Kenan yakni talaia ka okla ai im anumpulit, Tʋmaha holihta il ai asha chi̱, micha abili̱ka fullota pi̱ wak ʋt ai asha chi̱ aiena ka pima he Chihowa yʋt Moses a̱ im apesa tok, achi tok.

³ Mihma Islael im ʋlla ʋhleha hʋt Chihowa yʋt apesa tok mak o̱ i̱ yakni ya̱ akohchit tʋmaha holihta puta ilʋppa, micha abili̱ka fullota aiena ka Lefai ai unchololi ya̱ ima tok.

⁴ Mihma Kohahlait ʋhleha in chuka achʋfa ʋhleha hʋt nashoelit ishi tok: mihma Alon na holitompa isht ʋtta im ʋlla ʋhleha Lefai ai unchololi atuk ʋt, nashoeli hosh Chutah apehlichi akohchit, micha Simeon apehlichi akohchit, micha Benchamin apehlichi aiena kak o̱ akohchit tʋmaha holihta auah tuchina ho̱ ishi tok.

⁵ Mihma Kohalh im ʋlla ʋhleha inla kʋt nashoeli hosh Eflaim, apehlichi itakʋshkoa ya̱ akohchit, micha Tan apehlichi ya̱ akohchit, micha Manasseh apehlichi iklʋna ya̱ akohchit tʋmaha pokoli ho̱ ishi tok.

⁶ Mihma Keshon im ʋlla ʋhleha hʋt nashoeli hosh Issaka apehlichi itakʋshkoa ya̱ akohchit, micha Asha apehlichi ya̱ akohchit, micha Naftali apehlichi ya̱ akohchit, micha Manasseh apehlichi iklʋna Bashan asha ya̱ akohchit tʋmaha holihta auah tuchina ho̱ ishi tok.

⁷ Mihma Melali im ʋlla ʋhleha in chuka achʋfa ʋhleha ʋlhpisa hosh Luben apehlichika ya̱ akohchit, micha Kat apehlichi ya̱ akohchit, micha Sebulun apehlichi ya̱ akohchit tʋmaha holihta auah tuklo ho̱ ishi tok.

⁸ Mihma Islael im ʋlla ʋhleha Chihowa yʋt apesa na Moses ʋt anohonli tok mak o̱, Lefai ai unchololi ya̱ tʋmaha holihta ilʋppa puta, micha abili̱ka fullota ai it ieshi moma ka nashoeli hosh ima tok.

⁹ Micha Chutah im ʋlla ʋhleha apehlichi ya̱ akohchit, micha Simeon im ʋlla ʋhleha apehlichi ya̱ akohchit, tʋmaha holihta ilʋppa puta hohchifo ilʋppa annoa ka ima tok.

¹⁰ Yʋmmak o̱ Alon im ʋlla ʋhleha yʋmmʋt Kohahlait in chuka achʋfa ʋhleha ai achʋfa yʋmmʋt Lefai im ʋlla ʋhleha hatuk osh ishi tok: yʋmma immi ak osh nashoeli ʋmmona hatuk okʋt.

¹¹ Micha Anak i̱ki Aba in tʋmaha holihta (tʋmaha holihta yʋmmʋt Heblon) Chutah i̱ yakni nʋnih foka talaia, micha abili̱ka fullota aiena ka okla ima tok.

¹² Amba tʋmaha holihta osapa puta, micha chuka alokoli puta ai it ieshi aiena kʋno immi ha chi̱ ho̱ Chefunneh ushi Kaleb ak o̱ okla ima tok.

¹³ Yakohmi ho̱ na holitompa isht ʋtta Alon im ʋlla ʋhleha ha̱ Heblon, micha a bili̱ka fullota aiena ka tʋmaha holihta hatak ʋbi ahlakofi ya chi̱ ho̱ okla ima tok; Libnah micha abili̱ka fullota aiena,

¹⁴ Micha Chatti, micha a bili̱ka fullota aiena, micha Eshtamoa, micha a bili̱ka fullota aiena,

¹⁵ Micha Holon, micha abili̱ka fullota aiena, micha Tebo, micha abili̱ka fullota aiena,

¹⁶ Micha Ain, micha abili̱ka fullota aiena, micha Chuttah, micha abili̱ka fullota aiena, micha Belh‐shemesh, micha abili̱ka fullota aiena; apehlichi tuklo yʋmma tʋmaha holihta chakkali ho̱ akohchit okla ima tok.

¹⁷ Micha Benchamin apehlichi ya̱ akohchit Kibeon, micha abili̱ka fullota aiena, micha Keba, micha abili̱ka fullota aiena,

¹⁸ Anahlolh, micha abili̱ka fullota aiena, micha Almon, micha abili̱ka fullota aiena; tʋmaha holihta ushta ho̱ okla ima tok.

¹⁹ Na holitompa isht ʋtta ʋhleha, Alon im ʋlla ʋhleha in tʋmaha puta kʋt tʋmaha holihta auah tuchina, micha abili̱ka fullota aiena tok.

²⁰ Mihma Kohalh im ʋlla ʋhleha in chuka achʋfa ʋhleha Kohalh im ʋlla ʋhleha Lefai ai unchololi ʋt a̱sha moma kʋt tʋmaha holihta puta ka nashoeli hosh ishi kʋt, Eflaim apehlichi ak o̱ akohchit ishi tok.

²¹ Shechem, micha abili̱ka fullota aiena, Eflaim nʋnih hak o̱ a talaia, tʋmaha holihta hatak ʋbi ahlakofi ya chi̱ ho̱ okla ima tok; micha Kese, micha abili̱ka fullota aiena,

²² Micha Kibsaim, micha abili̱ka fullota aiena, micha Belh‐holon, micha abili̱ka fullota aiena, tʋmaha holihta ushta ho̱ okla ima tok.

²³ Micha Tan apehlichi ya̱ akohchit Eltekeh, micha abili̱ka fullota aiena, Kibbehlon, micha abili̱ka fullota aiena,

²⁴ Aichalon, micha abili̱ka fullota aiena, Kalh‐limmon, micha abili̱ka fullota aiena, tʋmaha holihta ushta ho̱ okla ima tok.

²⁵ Micha Manasseh apehlichi iklʋna ya̱ akohchit Tanach, micha abili̱ka fullota aiena, micha Kalh‐limmon, micha abili̱ka fullota aiena, tʋmaha holihta tuklo ho̱ okla ima tok.

²⁶ Kohalh im ʋlla ʋhleha in chuka achʋfa ʋhleha a̱sha moma immi hʋt tʋmaha holihta moma kʋt tʋmaha pokoli, micha abili̱ka fullota aiena tok.

²⁷ Micha Keshom im ʋlla ʋhleha Lefai ai unchololi in chuka achʋfa ʋhleha ha̱ ai achʋfa hosh Manasseh apehlichi iklʋna achʋfa ya̱ akohchit Bashan talaia Kolan, micha abili̱ka fullota aiena tʋmaha holihta hatak ʋbi ahlakofi ya chi̱ ho̱, micha Beesh‐telah, micha abili̱ka fullota aiena, tʋmaha tuklo ho̱ okla ima tok.

²⁸ Micha Issaka apehlichi ya̱ akohchit Kishon, micha abili̱ka fullota aiena, micha Tabaleh, micha abili̱ka fullota aiena,

²⁹ Chamulh, micha abili̱ka fullota aiena, micha En‐kammin, micha abili̱ka fullota aiena tʋmaha holihta ushta ho̱ okla ima tok.

³⁰ Micha Asha apehlichi ya̱ akohchit Mishal, micha abili̱ka fullota aiena, micha Abton, micha abili̱ka fullota aiena,

³¹ Micha Helkah, micha abili̱ka fullota aiena, micha Lehob, micha abili̱ka fullota aiena, tʋmaha holihta ushta ho̱ okla ima tok.

³² Micha Naftali apehlichi ya̱ akohchit Kalili talaia Ketesh, micha abili̱ka fullota aiena kak osh tʋmaha holihta hatak ʋbi ahlakofi ya chi̱ ho̱, micha Hammolh‐to, micha abili̱ka fullota aiena, micha Katan, micha abili̱ka fullota aiena, tʋmaha holihta tuchina ho̱ okla ima tok.

³³ Keshonait ʋhleha ha̱ in tʋmaha holihta moma in chuka achʋfa ʋhleha ʋlhpisa hosh tʋmaha holihta, micha abili̱ka fullota aiena hosh auah tuchina tok,

³⁴ Micha Lefai ai unchololi ishtaiyopi Melali im ʋlla ʋhleha in chuka achʋfa ʋhleha ha̱ Sebulun apehlichi ak o̱ akohchit Chokneam, micha abili̱ka fullota aiena, micha Katah, micha abili̱ka fullota aiena,

³⁵ Micha Timnah, micha abili̱ka fullota aiena, micha Nahalah, micha abili̱ka fullota aiena, tʋmaha holihta ushta ho̱ okla ima tok.

³⁶ Micha Luben apehlichi ya̱ akohchit Bese, micha abili̱ka fullota aiena, micha Chahasah, micha abili̱ka fullota aiena,

³⁷ Ketemolh, micha abili̱ka fullota aiena, micha Mefaalh, micha abili̱ka fullota aiena, tʋmaha holihta ushta ho̱ okla ima tok.

³⁸ Micha Kat apehlichi ya̱ akohchit Kileat talaia Lamolh, micha abili̱ka fullota aiena tʋmaha holihta hatak ʋbi a hlakofi ya chi̱ ho̱, micha Mahanaim, micha abili̱ka fullota aiena,

³⁹ Heshbon, micha abili̱ka fullota aiena, micha Chase, micha abili̱ka fullota aiena, tʋmaha holihta ushta ho̱ okla ima tok.

⁴⁰ Yʋmohmi ho̱ Lefai ai unchololi in chuka achʋfa ʋhleha ha̱ ishtaiyopi, Melali im ʋlla ʋhleha in chuka achʋfa ʋhleha ʋlhpisa hosh nashoelit ishi ka, moma kʋt tʋmaha holihta auah tuklo tok.

⁴¹ Islael im ʋlla ʋhleha i̱ yakni ititakla ya̱ Lefai ai unchololi tʋmaha holihta puta im a̱sha kʋt tʋmaha holihta, micha abili̱ka fullota aiena moma kʋt tʋmaha holihta pokoli ushta akucha untuchina tok.

⁴² Tʋmaha holihta ilʋppa puta kʋt abili̱ka fullota ai asha bieka tok. Tʋmaha holihta ilʋppa puta ilʋppak o̱ yʋmohmi tok.

⁴³ Mihma Chihowa yʋt anumpa kʋllo il onochit i̱ki ʋhleha ha̱ ima he i̱ mihi̱ha tok ʋt yakni ya̱ mominchit Islael a̱ ima tok: mihma ieshit a binili tok.

⁴⁴ Mihma Chihowa yʋt anumpa kʋllo il onochit i̱ki ʋhleha ha̱ i̱ mihi̱ha tok mak osh afullota fohʋchi tok: mihma in tʋnʋp moma ka hatak achʋfa kia itikba ik hikio tok; Chihowa yʋt in tʋnʋp a̱ mominchit ibbak a̱ fohki tok oka.

⁴⁵ Nana achukma achʋfa nana kia Chihowa yʋt Islael in chuka achʋfa ya̱ im anumpohonli tok ʋt ik ai a̱hlo kʋt iksho tok, moma kʋt ont ai a̱hli tok oke.