Choshua 19 - Chahta Holisso Holitopa 1886

¹ Mikma nashoelit ishi atukla kʋt Simeon, Simeon im ʋlla ʋhleha apehlichi itakʋshkoa ʋlhpisa ha tok: micha yakni ai isha he ʋlhpesa kʋt Chutah im ʋlla ʋhleha i̱ yakni ya̱ ititakla ya tok.

² Micha i̱ yakni ya̱ Bee‐sheba, micha Sheba, micha Molatah,

³ Micha Hasa‐shual, micha Balah, micha Asem,

⁴ Micha Eltolat, micha Behlel, micha Homah,

⁵ Micha Siklak, micha Belh‐makabolh, micha Hasasusah,

⁶ Micha Belh‐lebaolh, micha Shaluhen; tʋmaha holihta auah tuchina, micha chuka alokoli puta ai it ieshi:

⁷ Ain, Lemmon, micha Ehle, micha Ashan; tʋmaha ushta, micha chuka alokoli puta ai it ieshi;

⁸ Micha chuka alokoli tʋmaha holihta ilʋppa puta ka a fullotʋt ai asha moma Baalalh‐bee, oka mahli Lamolh a̱ ont ʋhli tok. Ilʋppak osh Simeon im ʋlla ʋhleha itakʋshkoa ʋlhpisa hosh yakni ai isha he ʋlhpesa ha tok.

⁹ Chutah im ʋlla ʋhleha i̱ kashapa kak o̱ Simeon im ʋlla ʋhleha hʋt ai ishi tok: Chutah im ʋlla ʋhleha i̱ kashapa ʋt im atampa hatuk oka: yʋmohmi hatuk o̱ Simeon im ʋlla ʋhleha i̱ yakni ʋt i̱ yakni ya̱ ititakla talaia tok.

¹⁰ Mihma nashoelit ishi ont atuchina kʋt Sebulun im ʋlla ʋhleha itakʋshkoa ʋlhpisa hatok: micha yakni ai isha he ʋlhpesa im ai ʋhli ʋt Salit ak o̱ ont ʋhli tok.

¹¹ Micha im ai ʋhli ʋt okhʋta, micha Malalah pilla ho̱ ia hosh Tabbashelh a̱ ona cha, okhina Chokneam itikba bachaya ka ona tok;

¹² Micha Salit a̱ hikiʋt fullota hosh hʋshi akochaka pilla iʋt Chislolh‐tabo ai ʋhli ya̱ ona tok; micha kohchʋt Tabelalh a̱ ona cha, Chafia ya̱ ona tok.

¹³ Micha yʋmma ʋttʋt i̱ hʋshi akochaka hlopullit a̱ya hosh Kittah‐hefe ya̱ ont ia hosh, Iltah‐kasin a̱ ona tok: micha kohchʋt iʋt Lemmon‐mehloa Neah ya̱ ona tok;

¹⁴ Micha ai ʋhli ʋt falʋmmi imma apakfoyupa hosh Hannahlon a̱ ona tok: micha ont akohcha kʋt Chifhlah‐el ak atok:

¹⁵ Micha Kattalh, micha Nahallal, micha Shimlon, micha Italah, micha Belhlehem: tʋmaha holihta auah tuklo, micha chuka alokoli puta ai it ieshi.

¹⁶ Ilʋppak osh Sebulun im ʋlla ʋhleha itakʋshkoa ʋlhpisa hosh yakni ai isha he ʋlhpesa yosh tʋmaha holihta ilʋppa, micha chuka alokoli puta ai it ieshi hatok.

¹⁷ Mihma na shoelit ishi ont ai ushta kʋt Issaka; Issaka im ʋlla ʋhleha itakʋshkoa ʋlhpisa hatok.

¹⁸ Micha im ai ʋhli ʋt Chesleel pilla, micha Chesullolh, micha Shunem,

¹⁹ Micha Hafalaim, micha Shihon, micha Anahalalh,

²⁰ Micha Labbilh, micha Kishion, micha Abes,

²¹ Micha Lemelh, micha En‐kannim, micha Enhattoh, micha Belh‐passes;

²² Micha ai ʋhli ʋt Tabo ya̱ ona cha, Shahasimah, micha Belh‐shemesh; micha im ai ʋhli ont akocha kʋt Chatan ak atok: tʋmaha holihta auah hannali, micha chuka alokoli puta ai it ieshi.

²³ Ilʋppak osh Issaka im ʋlla ʋhleha itakʋshkoa ʋlhpisa hosh yakni ai isha he ʋlhpesa yosh tʋmaha holihta puta, micha chuka alokoli puta ai it ieshi hatok.

²⁴ Micha nashoelit ishi ont ishit tahlapi kʋt Asha im ʋlla ʋhleha apehlichi itakʋshkoa ʋlhpisa hatok.

²⁵ Micha im ai ʋhli ʋt Helkalh, micha Hali, micha Beten, micha Achshaf,

²⁶ Micha Alammelech, micha Amat, micha Misheal ak atok; micha hʋshi ai okatula imma Kamel, micha Shiholibnalh ona tok.

²⁷ Micha hʋshi akocha ka pilla pit fullota hosh Belh‐takon a̱ ona cha, Sebulun a̱ ona mʋt, Chifhlah‐el okfa Belh‐mek, micha Neiel itatuklo ka i̱ falʋmmi in tʋnnʋp pilla ona cha, kohchʋt ʋlhfʋbek imma Kabul a̱ ona tok.

²⁸ Micha Heblon, micha Lehob, micha Hammon, micha Kanah aiena ka ont a̱yʋt Siton chito ya̱ ona tok;

²⁹ Mihmʋt ai ʋhli ʋt fullota hosh Lamah, micha tʋmaha holihta kʋllo Taia ya̱ ona mʋt, ai ʋhli ʋt fullota hosh Hosah ya̱ ona tok: micha ont akohcha kʋt okhʋta ak osh ontalaka a̱ya hosh Achsib a̱ ona tok;

³⁰ Ummah, micha Afek, micha Lehob: tʋmaha holihta pokoli tuklo akucha tuklo, micha chuka alokoli puta ai it ieshi.

³¹ Ilʋppak osh Asha im ʋlla ʋhleha apehlichi itakʋshkoa ʋlhpisa hosh yakni ai isha he ʋlhpesa yosh tʋmaha holihta ilʋppa puta, micha chuka alokoli puta ai it ieshi hatok.

³² Micha nashoelit ishi ont ishit hannali kʋt, Naftali im ʋlla ʋhleha, Naftali im ʋlla ʋhleha itakʋshkoa ʋlhpisa hatok.

³³ Micha im ai ʋhli ʋt Helef, micha Allon a̱ ʋttʋt ia hosh, Saanannim, micha Atami, Nakeb, micha Chabneel aiena ka hlopullit Lakum a̱ ona tok; micha ont akohcha kʋt Chatan ak atok:

³⁴ Mihma ai ʋhli ʋt fullotʋt hʋshi ai okatula imma Asnolh‐tabo ya̱ ona cha, yʋmma kohchʋt ia mʋt, Hukkok a̱ ona cha, Sebulun oka mahli imma ona tok, micha Asha ya̱ hʋshi ai okatula imma ona mʋt, Chutah ya̱ Chatan ontalaka hʋshi akochaka imma ona tok.

³⁵ Micha tʋmaha a holihta kʋllo puta kʋt Sittim, Se, micha Hammalh, Lakkolh, micha Sinnelolh,

³⁶ Micha Atamah, micha Lamah, micha Haso,

³⁷ Micha Ketesh, micha Etlei, micha En‐haso,

³⁸ Micha Ilon, micha Miktaleel, Holem, micha Belh‐analh, micha Belh‐shemesh; tʋmaha holihta ahbi chakkali, micha chuka alokoli puta ai it ieshi,

³⁹ Ilʋppak osh Naftali im ʋlla ʋhleha apehlichi itakʋshkoa ʋlhpisa hosh yakni ai isha he ʋlhpesa yosh tʋmaha holihta puta, micha chuka alokoli puta ai it ieshi hatok.

⁴⁰ Micha nashoelit ishi ont ishit untuklo kʋt Tan im ʋlla ʋhleha itakʋshkoa ʋlhpisa hatok.

⁴¹ Micha yakni ai isha he ʋlhpesa ya̱ im ai ʋhli ʋt Solah, micha Eshtaol, micha Il‐shemesh,

⁴² Micha Shaalabbim, micha Achalon, micha Chelhlah,

⁴³ Micha Elon, micha Hlimnalah, micha Eklon,

⁴⁴ Micha Eltekeh, micha Kibbehlon, micha Baalalh,

⁴⁵ Micha Chehʋt, micha Bene‐belak, micha Kalh‐limmon,

⁴⁶ Micha Me‐chakon, micha Lakkon, micha Chafo, itikba ai ʋhli aiena tok.

⁴⁷ Mihma Tan im ʋlla ʋhleha im ai ʋhli ʋt ik ono hosh ont taha tok: yʋmohmi ma Tan im ʋlla ʋhleha hʋt Leshem a̱ itibit ia tok; atuk osh ishi cha, bʋshpo falaia halupa isht issot kanchi cha, ieshit, a binili mʋt, i̱ki Tan ak o̱ a hochifochit Leshem, Tan hochifo tok.

⁴⁸ Ilʋppak osh Tan im ʋlla ʋhleha apehlichi itakʋshkoa ʋlhpisa hosh yakni ai isha he ʋlhpesa yosh tʋmaha holihta ilʋppa puta, micha chuka alokoli puta ai it ieshi hatok.

⁴⁹ Yakni ya̱ im ai ʋhli aiyukali itakʋshkolit okla ont tahli kʋt, Islael im ʋlla ʋhleha hʋt ilap ititakla akinli ho̱ Nun ushi, Choshua ya̱ yakni ʋt immi ya chi̱ ho̱ ai ima tok:

⁵⁰ Ilap inli hosh asilhha na Chihowa yʋt anumpuli tuk mak o̱, tʋmaha holihta Timnalh‐selah Eflaim nʋnih talaia ka ima tok: mihma tʋmaha holihta ai ikbi cha, ai ʋtta tok.

⁵¹ Ai isha he ʋlhpesa ilʋppa puta kak o̱ na holitompa isht ʋtta Eleasa, micha Nun ushi Choshua, micha Islael im ʋlla ʋhleha apehlichi i̱ki ʋhleha noshkoboka ʋhleha aiena kʋt Chihowa itikba Shiloh, micha okla moma im ʋlhtipo holitopa itikba yak o̱ nashoeli hosh yakni ya̱ itakʋshkoli tok. Yohmi hosh yakni ya̱ itakʋshkolit taiyahli tok.