Choshua 15 - Chahta Holisso Holitopa 1886

¹ Yohmi ma ilʋppak o̱ Chutah im ʋlla ʋhleha apehlichi itakʋshkoa ʋlhpisa hosh nashoelit ishi tok: Etom ai ʋhli yakni haiaka oka mahli pilla Sin ak osh oka mahli ont ʋhli fehna atok.

² Micha oka mahli im ai ʋhli kʋt okhʋta hʋpi ontalaka, okhʋta filʋmminchi hosh oka mahli imma pit apissali ka ʋttʋt ia hosh,

³ Maaleh‐aklabbim im oka mahli in tʋnnʋp ona cha, ont ia hosh Sin a̱ ona mʋt, im oka mahli in tʋnnʋp o̱ oiyʋt ia hosh Katesh‐banea ona cha, ont iʋt a̱ya hosh Heslon a̱ ona cha, ont ia hosh Ata ya̱ ona cha, fullotʋt ia hosh Kakaa ya̱ ona mʋt,

⁴ Yʋmma hlopullit Asmon pilla ia cha, Echip okhina ont kohcha tok: micha ai ʋhli yʋmma ont akohcha kʋt okhʋta ya̱ ak atok: ilʋppak osh oka mahli hʋt chim ai ʋhla hi oke.

⁵ Mihma hʋshi akochaka ai ʋhli ʋt okhʋta hʋpi ʋttʋt ia hosh Chatan asetilli ya̱ ont ʋhli tok; mihma falʋmmi pilla im ai ʋhli ʋt okhʋta filʋmminchi Chatan asetilli fehna ak atok.

⁶ Ai ʋhli yosh iʋt Belh‐hokla ya̱ ona cha, hlopullit aya hosh, Belh‐alaba ya̱ i̱ falʋmmi imma yo̱ ona tok; micha ai ʋhli ʋt ia hosh Luben ushi Bohan in tʋli ya̱ ona;

⁷ Micha ai ʋhli ʋt Acho okfa ha̱ ʋttʋt Tebi pilla iʋt, yohmi cha falʋmmi pilla Kilkal a̱ pit apissalit, yʋmmʋt Atummim atia itikba, yʋmmʋt okhina ya̱ im oka mahli imma talaia, micha ai ʋhli ʋt hlopullit ia hosh, Enshemesh oka taloha pilla ia hosh, ont a kohcha kʋt Enlokel ak atok;

⁸ Micha ai ʋhli ʋt Hinnom ushi im okfa hlopullit ont ia hosh, Chebusait ʋhleha im oka mahli imma ya̱ ona tok: yʋmmʋt Chelusalem mak oke; micha ai ʋhli ʋt ia hosh nʋnih chaha Hinnom okfa itikba hʋshi okatula imma bachaya ka paknaka ona, yʋmmʋt hatak chaha im okfa ont taha ka i̱ falʋmmi hatok:

⁹ Mihma ai ʋhli ya̱ nʋnih paknaka yak o̱ ai isht ia hosh Neftoah oka kʋli ya̱ isht ona tok: micha kohchʋt ia mʋt, Eflon tʋmaha holihta puta ka ona; micha ai ʋhli ya̱ isht iʋt Baalah, yʋmmʋt Kichalh‐chealim isht ona tok.

¹⁰ Mihma ai ʋhli ʋt Baalah ya̱ ʋttʋt fullotʋt hʋshi ai okatula pilla ia hosh Sei nʋnih ha̱ ona mʋt, hlopullit a̱ya hosh Chealim nʋnih, yʋmmʋt Chesalon falʋmmi in tʋnnʋp o̱ ona tok: micha okʋtahʋt ia hosh Belhshemesh a̱ ona cha, ont ia hosh Timnah ya̱ ona tok:

¹¹ Mihma ai ʋhli ʋt kohchʋt ia hosh falʋmmi pilla Eklon ichapaka ona tok: micha ai ʋhli ya̱ isht ia hosh Shiklon a̱ isht ona cha, hlopullit a̱ya hosh Baalah nʋnih ha̱ ona cha, kohchʋt ia hosh Chabneel a̱ ona tok: micha ai ʋhli ont akohcha kʋt okhʋta ak atok.

¹² Micha hʋshi ai okatula imma ai ʋhli ʋt okhʋta chito ya̱ ona cha, ontalaka a̱ya ka ai ʋhli tok: ilʋppak osh Chutah im ʋlla ʋhleha itakʋshkoa ʋlhpisa hosh im ai ʋhlit afullota tok oke.

¹³ Micha Chihowa hʋt Choshua ya̱ im apesa tuk mak o̱, Chefunneh ushi Kaleb a̱ Chutah im ʋlla ʋhleha ha̱ takla Anak i̱ki Aba in tʋmaha holihta, yʋmmʋt Heblon tʋmaha holihta ya̱ ima tok oke.

¹⁴ Mihma Kaleb ʋt Anak ushi tuchina Sheshai, micha Ahinam, micha Talmai Anak in chipota ha̱ tihlelit kocha wehli tok.

¹⁵ Micha yʋmma ʋttʋt ia mʋt, Tebi okla aiasha ka ona tok; mihma cha̱shpo ka Tebi hohchifo kʋt Kichalh‐sefe atok.

¹⁶ Mihma Kaleb ʋt, Kʋna hosh Kichalh‐sefe ya̱ issot kanchi cha ishikma, yʋmmak o̱ sʋsotek Achsah ya̱ ima likma, tekchi ya chi̱ hoke, achi tok.

¹⁷ Mihma Kaleb itibapishi Kenas ushi Olhniel ak osh ishi tok: mihma tekchi ya chi̱ ho̱ ushetik Achsah ya̱ ima tok.

¹⁸ Atuk o̱ yakohmi tok, im ona mʋt, iki ya̱ osapa im asilhha chi̱ ho̱ nukfohki tok. Atuk osh issuba haksobish falaia om binili tuk ʋt akowa tok; mihma Kaleb ʋt, Nanta ho̱ ish ahni cho? im achi tok.

¹⁹ Mihma afalamichi mʋt, Nan isht yukpali ya̱ is sʋmashke; oka mahli yakni yo̱ is sʋma hokʋt, oka kʋli taloha ak kia is sʋmashke, im achi tok. Mihma ibetʋp kʋli taloha kak o̱ ima mʋt, sokbish kʋli taloha kak o̱ ima tok.

²⁰ Ilʋppak osh Chutah im ʋlla ʋhleha apehlichi itakʋshkoa ʋlhpisa hosh i̱ yakni atok.

²¹ Micha Chutah im ʋlla ʋhleha apehlichi in tʋmaha holihta puta ont ai ʋhli kʋt oka mahli pilla Etom ai ʋhli ya̱ Kabseel, micha Ete, micha Chaku,

²² Micha Kinah, micha Timonah, micha Atatah,

²³ Micha Ketesh, micha Haso, micha Ilhnan,

²⁴ Sif, micha Telem, micha Bealolh,

²⁵ Micha Haso, Hatattah, micha Keliolh, micha Heslon, yʋmmʋt Haso,

²⁶ Amam, micha Shema, micha Molatah,

²⁷ Micha Hasa‐kattah, micha Heshmon, micha Belh‐palet,

²⁸ Micha Hasa‐shuel, micha Bee‐sheba, micha Bischolhchah,

²⁹ Baalah, micha Iim, micha Asem,

³⁰ Micha Eltolat, micha Chesil, micha Homah,

³¹ Micha Siklak, micha Matmennah, micha Sansannah,

³² Micha Leboalh, micha Shilhim, micha Ain, micha Limmon: tʋmaha holihta puta moma kʋt pokoli tuklo akucha chakkali, micha chuka alokoli puta ai it ieshi:

³³ Micha okfa ha̱ Eshtaol, micha Soleah, micha Ashnah,

³⁴ Micha Sanoah, micha En‐kannim, Tappuah, micha Enam,

³⁵ Chamulh, micha Atullam, Sokoh, micha Asekah,

³⁶ Micha Shalaim, micha Atihlaim, micha Katelah, micha Ketelohlaim; tʋmaha holihta auah ushta, micha chuka alokoli puta ai it ieshi,

³⁷ Senan, micha Hatashah, micha Miktal‐kat,

³⁸ Micha Tilean, micha Mispeh, micha Chokhleel,

³⁹ Lachish, micha Boskalh, micha Eklon,

⁴⁰ Micha Kabbon, micha Lahmam, micha Kilhlish,

⁴¹ Micha Ketelolh, Belh‐takon, micha Naamah, micha Makketah; tʋmaha holihta hannali, micha chuka alokoli puta ai it ieshi,

⁴² Libnah, micha Ehle, micha Ashan,

⁴³ Micha Chiftah, micha Ashnah, micha Nesib,

⁴⁴ Micha Keilah, micha Achsib, micha Maleshah; tʋmaha holihta chakkali, micha chuka alokoli puta ai it ieshi;

⁴⁵ Eklon, micha tʋmaha puta, micha chuka alokoli puta ai it ieshi;

⁴⁶ Eklon ʋttʋt ia hosh okhʋta ha̱ ont ʋhli Ashtot pit bili̱ka kʋt moma, chuka alokoli puta ai it ieshi;

⁴⁷ Ashtot ʋt tʋmaha holihta puta, micha chuka alokoli puta ai it ieshi; Kasa ʋt tʋmaha holihta puta, micha chuka alokoli puta ai it ieshi kʋt Echip okhina, micha okhʋta chito ya̱ ona cha, ontalaka a̱ya ka ont ʋhli hoke.

⁴⁸ Micha nʋnih foka ya̱ Shami, micha Chatti, micha Sokoh,

⁴⁹ Micha Tannah, micha Kichalh‐sannah, yʋmmʋt Tebi,

⁵⁰ Micha Anab, micha Eshtemoh, micha Anim,

⁵¹ Micah Koshen, micha Holon, micha Kiloh; tʋmaha holihta auah achʋfa, micha chuka alokoli puta ai it ieshi,

⁵² Alab, micha Tumah, micha Eshean,

⁵³ Micha Chanum, micha Belh‐tappuah, micha Afekah,

⁵⁴ Micha Humtah, micha Kichalh‐aba, yʋmmʋt Heblon, micha Sio, tʋmaha holihta chakkali, micha chuka alokoli puta ai it ieshi,

⁵⁵ Maon, Kamel, micha Sif, micha Chuttah,

⁵⁶ Micha Chesleel, micha Chokteam, micha Sanoah,

⁵⁷ Kain, Kibeah, micha Timnah; tʋmaha holihta pokoli, micha chuka alokoli puta ai it ieshi,

⁵⁸ Halhul, Belh‐su, micha Keto,

⁵⁹ Micha Maalalh, micha Belh‐anolh, micha Eltekon; tʋmaha holihta hannali, micha chuka alokoli puta ai it ieshi;

⁶⁰ Kichalh‐baal yʋmmʋt Kichalh‐chealim, micha Labbah, tʋmaha holihta tuklo, micha chuka alokoli puta ai it ieshi:

⁶¹ Yakni haiaka ya̱ Belh‐alabah, Mittin, micha Sekakah,

⁶² Micha Nibshan, micha Hʋpi tʋmaha holihta, micha Enketi; tʋmaha holihta hannali, micha chuka alokoli puta ai itieshi:

⁶³ Chebusait okla Chelusalem asha yokʋno, Chuta im ʋlla ʋhleha hʋt kocha wehla he keyu tok: amba Chebusait ʋhleha hʋt Chutah im ʋlla ʋhleha ha̱ takla a̱sha na himak nitak a̱ ant ai ʋhli hoke.