Choshua 12 - Chahta Holisso Holitopa 1886

¹ Mihma mi̱ko ʋhleha ilʋppa puta kak osh yakni yʋmma a̱sha tuk o̱ Islael im ʋlla ʋhleha hʋt ʋbit tahli cha, i̱ yakni Chatan mish tʋnnʋp hʋshi a kochaka pilla, Anon okhina ʋttʋt ia hosh Hemon nʋnih ha̱ ona, micha hʋshi a kochaka yakni patali ka okla ishit a binili tok.

² Amolait okla i̱ mi̱ko Heshbon ʋtta Sihon a mi̱ko kʋt Aloe, yʋmmʋt Anon okhina ontalaka talaia ak o̱, micha okhina iklʋna, micha Kileat iklʋna kak o̱ ʋttʋt ia hosh Chabbak okhina, yʋmmʋt Ammon in chipota yakni ai ʋhli yo̱ ont ʋhli tok;

³ Micha yakni patali ʋttʋt Sinnelolh okhʋta i̱ hʋshi akochaka imma ona cha, Belhcheshimolh hina ia hosh, yakni patali okhʋta, hʋpi okhʋta i̱ hʋshi akochaka imma ona tok; micha oka mahli imma Ashtolh‐piskah nuta ka a̱ya tok.

⁴ Micha Bashan i̱ mi̱ko Ok, yʋmmʋt hatak chaha ishtaiyopi hosh Ashtalolh, micha Etlei aiena ka ʋtta yosh im ai ʋhli kʋt,

⁵ A mi̱ko kʋt Hemon nʋnih, micha Salkah, micha Bashan moma Keshulait okla, micha Maachahlait okla aiena ai ʋhli, micha Kileat iklʋna, Heshbon i̱ mi̱ko Sihon im ai ʋhli ak o̱ ont ʋhli tok.

⁶ Yʋmmak o̱ Chihowa in tishu Moses, micha Islael im ʋlla ʋhleha aiena kʋt issot kanchi tok: micha Chihowa in tishu Moses ʋt Luben ishtatiaka, micha Kat ishtatiaka, micha Manasseh ishtatiaka iklʋna aiena kʋt immi ha chi̱ ho̱, ima tok.

⁷ Mikma yakni ya̱ i̱ mi̱ko ʋhleha ilʋppa puta kak o̱ Choshua, micha Islael im ʋlla ʋhleha aiena kʋt Chatan ola in tʋnnʋp hʋshi ai okatula pilla ha̱ Lebanon okfa Baal‐kat ʋttʋt ia hosh, Sei atia Halak nʋnih ha̱ ont ʋhli ka ai issot kanchi tok; micha yʋmma Islael ishtatiaka itakʋshkoa ʋlhpisa hosh immi ha chi̱ ho̱, Choshua ʋt ima tok.

⁸ Nʋnih foka, micha okfa, micha yakni patali, micha kʋli foka, micha yakni haiaka, micha oka mahli yakni Hittait ʋhleha, Amolait ʋhleha, micha Kenanait ʋhleha, Pelissait ʋhleha, Hifait ʋhleha, micha Chebusait ʋhleha aiena kak atok.

⁹ Cheliko i̱ mi̱ko ʋt achʋfa; Behlel ichapaka Ai i̱ mi̱ko ʋt achʋfa;

¹⁰ Chelusalem i̱ mi̱ko ʋt achʋfa; Heblon i̱ mi̱ko ʋt achʋfa;

¹¹ Chamʋlh i̱ mi̱ko ʋt achʋfa; Lachish i̱ mi̱ko ʋt achʋfa:

¹² Eklon i̱ mi̱ko ʋt achʋfa; Kese i̱ mi̱ko ʋt achʋfa;

¹³ Tebi i̱ mi̱ko ʋt achʋfa; Kele i̱ mi̱ko ʋt achʋfa;

¹⁴ Holmah i̱ mi̱ko ʋt achʋfa; Alat i̱ mi̱ko ʋt achʋfa;

¹⁵ Libnah i̱ mi̱ko ʋt achʋfa; Atullam i̱ mi̱ko ʋt achʋfa;

¹⁶ Makketah i̱ mi̱ko ʋt achʋfa; Behlel i̱ mi̱ko ʋt achʋfa;

¹⁷ Tappuah i̱ mi̱ko ʋt achʋfa; Hefe i̱ mi̱ko ʋt achʋfa;

¹⁸ Afek i̱ mi̱ko ʋt achʋfa; Lashalon i̱ mi̱ko ʋt achʋfa;

¹⁹ Maton i̱ mi̱ko ʋt achʋfa: Haso i̱ mi̱ko ʋt achʋfa;

²⁰ Shimlon‐melon i̱ mi̱ko ʋt achʋfa, Achshaf i̱ mi̱ko ʋt achʋfa;

²¹ Taanach i̱ mi̱ko ʋt achʋfa; Mekitto i̱ mi̱ko ʋt achʋfa;

²² Ketesh i̱ mi̱ko ʋt achʋfa; Kamel yakni Choknean i̱ mi̱ko ʋt achʋfa;

²³ To ai ʋhli To i̱ mi̱ko ʋt achʋfa; Kilkal oklushi ʋhleha i̱ mi̱ko ʋt achʋfa;

²⁴ Tisah i̱ mi̱ko ʋt achʋfa; mi̱ko ʋhleha moma kʋt pokoli tuchina akucha achʋfa tok.