Atʋloa 99 - Chahta Holisso Holitopa 1886

¹ Chihowa hʋt mi̱koshke; oklushi putta kʋt wʋnni̱hi̱chashke: mi̱kot chelubim paknaka binnili hatuk o̱, yakni ʋt winakʋchashke.

² Chihowa hʋt Saion binnili kʋt chinto hoke, micha yʋmmʋt chaha kʋt, oklah moma ka̱ i̱ shahli hoke.

³ Chi hohchifoh chinto micha pʋllʋmmi ka̱ ayokpʋchashke; yʋmmʋt hulittopa hoka̱.

⁴ Yohmi ka̱ ai ʋlhpiesa ʋpesah ahninchi kak osh mi̱ko ʋt ishit hlampko hoke: chishno ak osh ai ittillawwit ai im ʋlhpisa ish hillechi tuk oke; chishno ak osh Chekob a̱ ai ʋlhpiesa ʋpesa ish ai ʋtahli tuk oke.

⁵ Pi̱ Chitokaka Chihowa ha̱ hʋsh fehnʋchashke, micha iyi ai o̱ hikiya ittuma ya̱ hʋsh ayokpʋchashke: yʋmmak osh hulittopa hoke.

⁶ Na̱ huletumpa isht im asha ʋhleha ha̱ Moses, Elon ittʋtuklo kʋt ibafo̱kkakma̱, hohchifo ha̱ i̱ tahpa̱ha̱la ʋhleha ha̱ Samuel ʋt ibafo̱kkʋt Chihowa ha̱ i̱ pa̱ha̱yakma̱, yʋmmʋt im ʋfalʋmmichih beka tok oke.

⁷ Nan isht im ai ʋlhtukkoa puttah, nan ʋlhpisa ima tuk aiena ka̱ hulittobli hatuk o̱, hushontit hikkia ai a̱ha̱tta hosh awet im ʋnumpo̱ho̱lih beka tok oke.

⁸ Pi̱ Chitokaka Chihowa ma, chishno ʋt ʋnnumpah ish im ʋfalʋmmichih beka tok; nan ʋsshʋchi ya̱ im i̱ kʋsho̱ho̱ffi, micha nan okpa̱ha̱ni ka̱ ilai u̱hu̱kha Chitokaka chia hʋttok oke.

⁹ Pi̱ Chitokaka Chihowa ha̱ hʋsh fehnachi cha, i̱ nʋnih hulittopa ya̱ pit hʋsh ayokpʋchashke; pi̱ Chitokaka Chihowa hʋt hulittopa hoka̱.