Atʋloa 98 - Chahta Holisso Holitopa 1886

Atʋloa yoke.

¹ Nanah a fehna yʋmi̱hi̱chi tuk ak o̱, ibbak ishtimpakimma micha shakba hulittopa ittʋtuklo kʋt nan im aiya yo̱ im ʋtahli tuk ak o̱, Chihowa ha̱ tʋloah himona hʋsh i̱ tʋloashke.

² Chihowa hʋt im ai okcha̱ya ya̱ ottʋninchi tuk; oklushi puttah nishkin a̱ im ai ʋlhpiesa ya̱ i̱ hayakʋchi tuk oke.

³ Islael i̱ chukkachʋffa ya̱ im isht i̱ hullo micha im ʋnnumpah a̱hli ya̱ im ithaiyana tuk; yakni ont ai ʋlhi moma kʋt pi̱ Chitokaka im ai okcha̱ya ya̱ pisa tuk oke.

⁴ Yakni moma kʋt Chihowa ha̱ hʋsh i̱ shʋkapashke; chitoli hosh kohchit tʋloʋt nan ulachit hʋsh ayokpʋchashke.

⁵ Chihowa ha̱ hap ulachit hʋsh ayokpʋchashke; hap, itih ishit tʋloa aienashke.

⁶ Ishit pu̱fa puttah micha lʋpish ola ho̱ mi̱ko Chihowa itikba ya̱ isht hʋsh a shʋkapashke.

⁷ Okhʋtah, nanah ʋluttoah aiena kʋt, yakni micha yʋmma̱ nanah aiyasha aiena kʋt winiha̱ha̱chashke.

⁸ Oka huchito ʋt ibbak ittai isso̱ho̱chashke, nʋnih chaha putta kʋt Chihowa itikba ya̱ ittibaiachʋffʋt tʋloashke.

⁹ Yakni ya̱ nan im apesʋt ʋla chi̱ hoka̱: ai ʋlhpiesa ho̱ yakni ya̱, ai ʋlhpisali hosh oklah putta ka̱ nan im apesa chi̱ hoke.